Categories

ГОВОР НА ОМРАЗА Константин Плевнеш од ЕСРА со невидена вулгарност и говор на омраза се „пресметува“ со неистомислениците

Константин Плевнеш, кој предава на Универзитетот за аудиовизуелни уметности ЕСРА, континуирано објавува коментари со говор на омраза на својот Фејсбук профил.

Меѓу останатите, пораки со говор на омраза беа упатени кон новиот декан на Универзитетот ФОН проф. д-р Љубомир Фрчковски и проф. д-р Катерина Колозова.

Во една од објавите пишува: „Љубомир Данаилов Фрчковски е п***р и педофил али импотентен“.

Јавните изливи на „патриотизам“ на Константин Плевнеш се преполни со вулгарности, омаловажување, навреди и говор на омраза, не само кон лицето кон кого е упатена пораката, туку и кон цели категории на луѓе.

Без оглед на личните несогласувања, неприфатливо е еден професор да користи таков речник воопшто, а да не зборуваме за јавен говор. Во случајов, неговите студенти и нивните семејства можат да посведочат на ниското ниво на јавна комуникација на нивниот професор.

„Љубомир Данаилов Фрчковски П***рче ниедно педофил импотентен и смрден албанизиран и содомизиран од Сатана лично“,  е другата порака упатена кон Фрчковски.

Секојдневно сме сведоци на фактот дека говорот на омраза станува тренд и нашето општество, без оглед на тоа дали е упатен кон лица или заедници од различна или верска етничка припадност или се работи за сексуална определба или политичка афилијација. Овој, инаку „голем бранител на името“ шири говор на омраза подолго време, но до сега не слушнавме било каква реакција од релевантните институции, не слушнавме за пријава од МВР, а ниту за било каква постапка во ОЈО.

Освен брзата реакција на институциите во случајот со Миленко Неделковски и неговиот говор на омраза против Грците кога се ситеше на несреќата на оние што настрадаа во минатогодишните пожари во Грција, не видовме дека нешто друго се прави. Голем број јавни личности се до денешен ден мета на говорот на омразата на Неделковски, но тој не одговара за тоа. Случајот со Плевнеш е само уште еден во низата каде што се гледа една инертност на институциите, наспроти декларираната заложба дека ќе се борат против говорот на омразата и поттикнувањето на омразата.

„Имајќи предвид дека се работи за професор на приватен факултет што претендира да воспоставува некаква културна и образовна врска со Франција, ваквото однесување дава дотолку полоша слика, не само за факултетот и тие што работат и студираат таму, туку и за целата земја. Исто така, информирани сме дека ЕСРА е претендент за добивање средства од буџетот на државата. Останува отворено прашањето, дали и тие средства што ги бараат од сите граѓанки и граѓани на државата ќе бидат употребени за ширење на говорот на омразата“ – коментираат во ЦИВИЛ – Центар за слобода, чиј тим спроведува мониторинг во повеќе области, вклучувајќи го говорот на омразата на социјалните мрежи.

А. П.

Print Friendly, PDF & Email