„Масивен“ украински напад со беспилотни летала ја таргетираше железничката станица Арчеда во градот Фролово во руската Волгоградска област во текот на ноќта на 4 август, предизвикувајќи прекини во железничкиот сообраќај и привремено затворање на регионален аеродром, тврди локален функционер, пренесува Кијив Индипендент.
Волгоградската област се наоѓа на околу 900 километри југоисточно од Москва и речиси 120 километри источно од границата со Украина, веднаш до речиси целосно окупираната Луганска област.
Независниот медиум Астра објави дека избувнал пожар на железничката станица Арчеда.
Гувернерот на Волгоградската област Андреј Бочаров тврдеше дека беспилотните летала ги таргетирале транспортните и енергетските објекти во областа и како резултат на тоа, железничкиот сообраќај во областа Фролово е ограничен, опишувајќи го нападот како „масивен“.
Руски железници, државниот железнички оператор, исто така објави прекин на железничките услуги во Фролово.
Дронови погодија клучен железнички центар во рускиот Волгоградски регион – станицата наводно е во пламен. Истиот железнички центар ги поврзува руските снабдувачки правци со јужниот дел на Украина. Прекинувањето може да ја одложи руската воена логистика, вклучително и транспортот на гориво и муниција. #StopRussia, напиша на Х Јулија Мендел, објавувајќи видео од нападаот.
💥💥 Drones hit a key railway hub in Russia’s Volgograd region — the station is reportedly on fire.
The same railway hub connects Russian supply routes to southern part of Ukraine. Disrupting it can delay Russian military logistics, including fuel and ammo transport. #StopRussia pic.twitter.com/khkAoslXN6— Iuliia Mendel (@IuliiaMendel) August 4, 2025
Руското Министерство за одбрана тврди дека вкупно 61 украински дрон биле соборени над различни региони на земјата преку ноќ.
Украинската војска ретко коментира за нападите со беспилотни летала на руска територија, иако редовно го таргетира регионот со беспилотни летала.
„Кијив Индепендент“ не можеше да ги потврди тврдењата на руските службеници.
Складиштата за гориво, железничката инфраструктура и залихите за муниција во Русија и окупираните територии сè повеќе стануваат цели за напади со беспилотни летала и ракети со долг дострел.
Во последните недели, Украина нападна и други руски железнички станици во регионот. Во текот на ноќта на 29 јули, украински беспилотни летала ја таргетираа железничката станица во градот Салск во Ростовската област, предизвикувајќи пожар.
Серија напади со беспилотни летала ги таргетираа индустриските објекти во руските области Рјазан, Пенза, Самара и Воронеж, објави Генералштабот на Украина.
Во Рјазан, наводно, била погодена рафинерија за нафта, а видеата објавени на социјалните мрежи покажуваат голем столб од оган во близина на местото.
Гувернерот на Рјазан, Павел Малков, изјави дека остатоците од дрон паднале на територијата на неодредено претпријатие и дека екипите за итни случаи се справуваат со штетата.
Во Пенза, наводно, цел била фабриката „Електроприбор“. Руските канали на Телеграм објавија пет експлозии над градот. Регионалните власти не го коментираа јавно инцидентот.
Во Самараската област, рафинеријата за нафта Новокујбишевски, која се наоѓа на околу 20 километри од градот Самара, наводно горела по напад со беспилотно летало. Видеата објавени на локалните канали на Телеграм се чини дека покажуваат пламен што се издига од рафинеријата.
Д. Мишев
