„Посетата на германската канцаларка Ангела Меркел е референца кон минатото заради денот на нашата независност, но и референца кон блиската иднина на која не кани целиот демократски свет, а тоа е членството кон ЕУ и НАТО“, истакна премиерот Зоран Заев на заедничката прес-конференција со канцаларката Меркел.
Германската канцеларка Ангела Меркел денеска ги повика граѓаните на 30 септември да ја искористат можноста и да не останат дома, туку да излезат и да кажат каква иднина сакаат за својата земја.
„Не сакам да се мешам во одлуката на вашите граѓани, но од сопстевно искуство можам да кажам дека ова е шанса која една генерација ја има само еднаш во животот. Не останувајте дома на ваков историски ден и искоритете ја вашата можност да го кажете она што го мислите“, рече Меркел.
Меркел додаде дека ако референдумот на 30 септември има позитивен исход граѓаните имаат можност како пред 27 години да гласаат, но овој пат за отворање на вратата кон ЕУ и НАТО. А тоа, како што рече бара истовремено прифаќање на Договорот со Грција, односно спроведување на овој Договор, без каква било закана.
Одговарајќи на новинарско прашање, таа рече дека денеска нема да има средба со претседателот на државата Иванов, туку само лидерот на опозицијата Христијан Мицкоски, со кого ќе разговара за истите работи како и со премиерот и ќе му укаже дека дека во една демократија за клучните прашања треба се сноси заедничка национална одговорност.
Д.М.
