Нова рубрика „Брза пошта“ – Вашите мисли и опсервации, жолти и црвени картони, кратки белешки и пораки, отсега во брза пошта. Останете гласни!
Цивилмедиа.мк воведува нова рубрика – „Брза пошта“, каде што авторките и авторите можат да ги овековечат своите мисли, белешки и пораки. Во трката со времето, често се нема време за пишување долги и елаборирани коментари и анализи, а потребна е брза реакција. Затоа, Редакцијата одлучи да отвори таков простор кој може да послужи и како своевидна комуникациска алатка, размена на мисли и пораки, но и вовед во пошироки анализи и мислења.
НАСТАНИ
ПОСЕТА: Претседателот на Албанија Илир Мета од денеска ќе престојува во тридневна официјална посета на Република Северна Македонија.
За време на посетата, Мета ќе има средба со претседателот Стево Пендаровски, потврдија од кабинетот на шефот на државата.
Од Министерството за внатрешни работи известуваат дека поради официјалната посета на албанскиот претседател Мета, ќе бидат преземени мерки за посебен сообраќаен режим на сообраќајниците на поширокото централно подрачје на Скопје од денеска до среда.
СВР Скопје апелира до сите граѓани учесници во сообраќајот да ги почитуваат наредбите од страна на униформираните полициски службеници
СООБРАЌАЈ: Министерството за внатрешни работи известува дека од денеска до среда ќе има посебен сообраќаен режим во Скопје поради официјалната посета на претседателот на Албанија Илир Мета.
Мерки за посебен режим ќе има на сообраќајниците на поширокото централно подрачје на Скопје.
МВР апелира до сите граѓани учесници во сообраќајот да ги почитуваат наредбите од страна на униформираните полициски службеници
СОВЕТ: Претседателот на Бугарија Румен Радев за денеска свика состанок на Советодавниот совет за национална безбедност.
Како што јави дописникот на МИА од Софија, темата е „Интеграција на Западен Балкан во ЕУ. Улогата на Бугарија во проширувањето на ЕУ и во процесот на стабилизација и асоцијација: Република Северна Македонија и Албанија“.
На него ќе учествуваат лидерите на сите парламентарни партии и коалиции во 47. Народно собрание на Бугарија, неговиот претседавач Никола Минчев, како и потпретседателката на државата Илијана Јотов
КОМИСИЈА: Претседателот на Комисијата за заразни болести, д-р Жарко Караџовски за утре свика состанок на Комисијата на која сериозно ќе се разгледува епидемиолошката состојба во земјава. На утрешниот состанок, членовите на Комисијата се ќе разговараат за деновите за изолација, односно за решенијата кои ги издава Државниот санитарен и здравствен инспекторат за лицата кои се позитивни на Ковид-19. Ќе се разгледува можноста да се скрати времето на изолација за граѓаните кои се регистрирани позитивни случаи на вирусот, но можно е да разгледаме и некои други опции кои ќе се однесуваат на повеќе категории-вакцинирани, невакцинирани, симптоматски случаи и така натаму.
Дел од најавите во овој текст се од сервисот на МИА.
Д. Мишев