Лидерите на ЕУ денеска го поздравија доаѓањето на украинскиот претседател Володимир Зеленски во Брисел за неговата прва посета во „срцето“ на Унијата по руската инвазија.
„Добредојдовте дома, добредојдовте во ЕУ“, твитна шефот на Европскиот совет, Шарл Мишел на фотографијата на која се ракува со Зеленски, заедно со шефицата на Европската комисија Урсула фон дер Лајен.
A decisive #EUCO today, where we discuss with President @ZelenskyyUa the best way to support Ukraine.
We’ll also have a crucial discussion on the strengthening of our competitiveness & Single Market, and the ?? response to the challenge of migration.— Charles Michel (@CharlesMichel) February 9, 2023
Зеленски пристигна во Брисел на средба со лидерите на ЕУ од кои ќе бара да ја засилат поддршката за неговата земја опустошена од војна на третиот дел од неговата европска турнеја, соопштија официјални лица.
Тој пристигна во седиштето на Европската унија со францускиот претседател Емануел Макрон за да се обрати во Парламентот на блокот и да присуствува на состанокот на самитот.