Последниот чекор во брзото менување на Кина на нејзината спорна политика за нулта Ковид доаѓа во недела, кога повторно ќе ги отвори границите за меѓународно патување.
Но, помладите жители на Кина, кои не сакаа да бидат именувани во разговорите за Би-Би-Си, се чувствуваат поинаку, а некои велат дека доброволно се изложуваат на инфекција.
27-годишен кодер од Шангај, кој не примил ниту една од кинеските вакцини, вели дека доброволно се изложил на вирусот.
„Бидејќи не сакам да го сменам планот за одмор, би можел да се погрижам да закрепнам и да не бидам заразен повторно за време на одморот, ако намерно го контролирам времето кога се заразувам“, вели младиот кодер за Би –Би-Си.
Тој признава дека не ги очекувал болките во мускулите како последица од инфекцијата, но вели дека симптомите во голема мера биле очекувани.
Друга жителка на Шангај, 26-годишна жена, за Би-Би-Си раскажува дека го посетила својот пријател кој бил позитивен на тестот „за да можам и јас да добијам Ковид“, вели таа.
Но, таа вели дека нејзиното закрепнување било тешко: „Мислев дека ќе биде како настинка, но беше многу поболно“.
Сепак, во големите градови, луѓето се враќаат во трговските центри, рестораните и парковите, па дури и чекаат во редици за визи и туристички дозволи. Државниот весник Глобал тајмс објави дека „нормалните времиња се враќаат“,според интервјуата со кинеските жители.
преработка: Д. Т.