Министерството за надворешни работи на Украина ја поздравува одлуката на Обединетото Кралство на Велика Британија и Северна Ирска за воведување на рестриктивни мерки против војските за радијациска, хемиска и биолошка одбрана на Русија и нивното раководство поради употреба на хемиско оружје во Украина.
Ова е уште една потврда на фактот дека Русија, кршејќи ја Конвенцијата за забрана на хемиско оружје, продолжува на територијата на Украина да врши злосторства поврзани со употребата на опасни хемиски супстанци против Силите за безбедност и одбрана на Украина, велат од министерството.
Од украинското МНР додаваат дека наспроти ова, особено цинични се намерите на руската страна да биде избрана во Извршниот совет на Организацијата за забрана на хемиско оружје за периодот 2025-2027 година, додаваат
Според нив, РФ, која систематски користи хемиско оружје на територијата на суверени држави, нема никакво морално право да биде член на управните тела на соодветните меѓународни организации и да влијае на нивната непристрасна и објективна работа.
Украина ја потврдува својата цврста позиција дека употребата на хемиско оружје од кој било, каде било и под какви било околности е грубо кршење на меѓународното право, а државите одговорни за таквите дејствија мора да бидат изведени пред лицето на правдата, се вели во соопштението на МНР на Украина.
И украинската амбасадорка во земјава, Лариса Дир која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, на 922 ден од од почетокот на руска инвазија се огласи преку својата сметка на Х со објава за руското кршење на нормите на меѓународното право.
рф ги крши нормите на меѓународното право.Цинични се намерите на Русијада биде избрана во Извршниот совет на Организација за забрана на хемиско оружје за 2025-2027г. рф,која користи хемиско оружје на територија на суверени држави,нема морално право да биде член на управните тела на соодветните меѓународни организации, напиша амбасадорката.
рф ги крши нормите на меѓународното право.Цинични се намерите на🇷🇺 да биде избрана во Извршниот совет на @OPCW за 2025-2027г.
рф,која користи хемиско оружје на тер.на суверени држави,нема морално право да биде член на управните тела на соодветните меѓународни организации@MFA_MKD pic.twitter.com/D8YLTkKSvy— Larysa Dir (@dir_larysa) October 9, 2024
Драган Мишев
