Под насловот „Digital Terrorism and Hate 2018″ (Дигитален тероризам и омраза 2018) Центарот „Симон Визентал“ го објави извештајот за неонацизмот на социјалните мрежи каде што се споменуваат и неонацистички организации во Србија.
Во извештајот се наведува дека српскиот бенд „Terror 88“ шири омраза и идејата за фашизмот преку социјалните мрежи. Во соработка со Фејсбук и Твитер нивните објави се исклучени, но не се исклучени од блогот и Инстаграм. Додаваат дека бендот „Terror 88“ е тесно поврзан со српскиот огранок на забранетата нацистичка организација „Крв и чест“.
Песните на самиот бенд најчесто преку Јутјуб ги шират членовите на „Националниот строј“, организацијата „Бел фронт на Србија“, „Крв и чест“, „Српска акција“, „Combat 18“ и други навивачки групи.
Во јавноста остана во сеќавање убиството на малиот Душан Јовановиќ во центарот на Белград, само затоа што беше од ромска етничка припадност. Сторителите на убиството, Милан Чујиќ и Иштван Фендрик од Земун, тогаш како 17 годишници беа поврзани со неонацистичка организација, во март 1998 година беа осудени на 10 години малолетен затвор. Тие беа пуштени по шест и пол години.
Слична субдина имаше и познатиот српски актер Драган Максимовиќ, кој во 2000 година беше претепан од група млади момчиња, мислејќи дека е Ром. Тој починал два месеци потоа од повредите кои му беа нанесени. Виновниците на тој инцидент не се пронајдени, а според изјавите на очевидци од тој настан се претпоставува дека го сториле скинхедси и навивачи на ФК Рад.
Најсилна неонацистичка организација во Србија е „Combat 18“, борбена група на организацијата „Крв и чест Србија“ (Blood & Honor Serbia), која е формирана исклучиво за насилни акции. „Крв и чест“ е формирана во Србија во 1995 година, а базата на оваа организација е во Велика Британија. Бројот 18 претставува првата и осмата буква од азбуката, бидејќи тоа се иницијалите на Адолф Хитлер.
Од позиција на неонацизам настапува повеќе затскриено и организацијата „Образ“, чии што членови ги нападнаа припадниците на ЛГБТ заедницата. Оваа организација е забранета во 2012 година.
Година предходно беше забранет и „Национален строј“, чијшто претседател е Горан Давидовиќ, познат како Фирер, кој е во бегство во Италија. (blic.rs)