Над 324 милиони евра се предвидени во новиот Буџет на Министерството за транспорт и врски за 2023 година, а тоа е за 135 проценти повеќе од оваа година, информира денеска премиерот Димитар Ковачевски на заедничката прес-конференција со министерот за транспорт и врски Благој Бочварски.
За следната година, како што најави премиерот, за Министерството за транспорти врски има развоен буџет со крупни инфрастурктурни капитални пректи кои значат поттикнување економски раст.
– Интензивно работиме на изградба и реконстуркција на главните патни делници во земјава и тоа е наш приоритет и во наредната 2023 година. Најголемиот дел од средствата, односно 308 милини евра се наменети за реализација на капиталните проекти што е за 163 проценти повеќе од оваа година, информира Ковачевски.
Во 2023, како што рече тој продолжува изградбата на автопатите на Коридор 8 за што се предвидени 244 милиони евра, а очекувањата се следната година да заврши изградбата на автопатот Кичево – Охрид.
Според Ковачевски буџетската каса е проектирана за реализирање на крупни капитални проекти како што се изградба на автопатот на Коридор 8 и Коридор 10 Д, изградба на железница на Коридор 8, изградба и санација на локални патишта во општините, гасификација, изградба и реконстуркција на водоводни и канализациони мрежи, субвенции за нови авиолинии, како и подобрување на транспортот на граничните премини.
С.Т.