Претставници од СВР Куманово, заедно со родители на тинејџерите, вчера организираа мешана патрола. Патролата ги посети местата каде што излегуваат малолетниците, со цел да им укажат дека не смеат да конзумираат алкохол, цигари и навремено со коордиариано делување да се спречи малолетничкото престапништво и девијантно однесување.
Родителите и службениците од Отсекот за превенција посетија неколку локали, паркови во централното градско подрачје и населбите во Куманово. Во рамки на акцијата нешаме констатирано прекршоци.
– Очекуваме мислење, забелешки и предлози од родителите како понатаму да постапува полицијата, нивни предлози, места кои ги сметаат за безбедни, небезбедни, што би требало да се промени, преку родителите да се упати порака до други родители на кој начин малолетните лица можат да бидат побезбедни во ноќните излегувања, рече раководителот на отсекот за превенција, од СВР Куманово Виолета Богдановска.
Таа потсети дека малолетните лица имаат право да излегуваат, но угостителите не смеат да им служат алкохолни пијалаци.
Родителите велат дека ваквите акции можат позитивно да влијаат врз однесувањето на малолетниците. Како родители, оценија дека е позитивно присуството на полицијата во близина на местата каде се движат тинејџертите, бидејќи и малолетниците ќе имаат чуство на сигурност кога излегуваат
– Очекував малолетниците да имаат страв од полицијата, меѓутоа тие многу позитивно го прифатија нашето доаѓање, дури се отворени за разговор и тука се свесни дека полицијата е околу нив. Како родители треба да водиме грижа до колку ќе ги пуштиме своите деца и да потенцираме дека полициските патроли се постојано тука и доколку се случи некаков проблем слободно да пријават затоа што тие се тука за нив, зјави Сања Јакимовска, родител на две малолетни деца.
Мешаната патрола се реализира во рамки на одбележуавњето на Денот на превенцијата, а е организира често во сите периоди од годината.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
