ВЕСТ НА ДЕНОТ: Северна Македонија, Србија и Албанија потпишаа Меморандум за соработка во услови на Ковид-19
Меморандум за соработка во услови на Ковид-19 денеска потпишаа премиерот Зоран Заев заедно со претседателот на Србија, Александар Вучиќ и премиерите на Србија, Ана Брнабиќ и на Албанија, Еди Рама во присуство на министрите за здравство.
Со Меморандумот меѓу другото се предвидува граѓаните на Северна Македонија, Србија и Албанија да ги минуваат границите и без ПЦР тестови, доколку граѓанин поради Ковид-19 се најде во болница во овие земји државата ќе го преземе трошокот за лекување, министрите за здравство и лекарите од трите земји ќе соработуваат и ќе разменуваат искуства во борбата со коронавирусот…
Премиерот Заев, кој беше домаќин на настанот, истакна дека со ова се поставува патот за уште посилна соработка помеѓу нашите пријателски земји. -Сакаме да го олесниме животот на нашите граѓани и да поставиме основи за економско закрепнување, рече Заев кој потоа соопшти што ќе опфаќа оваа соработка.
ЦИВИЛНИ АКТИВНОСТИ
По македонските калдрми за Европа
Она што е карактеристично за ЦИВИЛите е тоа што не знаат да мируваат и да седат во канцеларија. Дури и во време на пандемија од Ковид-19, секако почитувајќи ги сите препораки и мерки за заштита од вирусот, ЦИВИЛ посети десетици општини промовирајќи ги европските вредности.
Тетово, Гостивар, Кратово, Старо Негоричане, Центар Жупа, Вевчани, Ростуше, Струга, Охрид, Неготино, Кавадаци, Росоман, Крива Паланка, Кочани, Штип, Виница, Карбинци, Битола, Прилеп, Могила, Новаци, Струмица, Босилево, Ново Село, Свети Николе, Кичево, Ресен… се само дел од рутата. Читајќи гласно кај се бевме, во момент се почуствував како Влатко Ѓорчев кога во минатото набројуваше во кој град победија… (ми останаа трамуми од детството).
Њузлетерот „Европа е наш дом“, или народски кажано мини весниче за промоција на европските вредности беше разделен на ијладници граѓанки и граѓани ширум земјата.
ФЛЕШ ВЕСТИ
Бугарија во Берлин прифатила нон-пејпер во кој не се доведува во прашање македонскиот идентитет и јазик.
Министерот за надворешни работи Бујар Османи, заедно со министерката за надворешни работи на Република Бугарија, Екатерина Захариева, беа домаќини на состанокот на министрите за надворешни работи на Берлинскиот процес за Западен Балкан.
Министерот за правда Бојан Маричиќ учествуваше на онлајн конференција на министрите за правда, која се одржува под покровителство на грчкото претседателство со Советот на Европа.
Антикорупциска: Именувањето на функцијата ВД директор одредени институции не го кориситат за да се надмине некоја времена состојба туку се користи како да е редовен начин за постапување на директор.
„Започнува реализација на шест мерки во рамки на Министерството за економија од Четвртиот сет на мерки на економски мерки на Владата за ревитализација и рестарт на економијата во услови на КОВИД-19“, објави министерот за економија Крешник Бектеши на својот Фејсбук профил.
Европскиот суд за човекови права (ЕСЧП) пресуди во корист на двајца тужители, Роми, застапувани од страна на Европскиот центар за права на Ромите (ЕЦПР), кои биле малтретирани додека биле малолетни, од страна на полицијата во Скопје, во 2014 година.
Управата за јавни приходи ги достави налозите за повратот на ДДВ на граѓаните од мерката Викенд без ДДВ, а исплатата ќе се врши од утре.
СЛОБОНА ЗОНА
„И повторно сме на истата позиција како години со ред: кога и да се појави меѓународен проблем што го решава „администрацијата“ на Заев – грчко вето, Преспански договор, НАТО, француско вето, бугарско вето… – опозицијата почнува да колне, да дречи, да сече вени, да прогнозира неуспех, национална катаклизма и предавство“, пишува Сашо Орданоски во колумната „Вмровски меѓународни скараџии“.
„Децата не знаат да зборуваат. Тие учат да зборуваат додека растат. Децата не знаат ниту да мраат. И омразата ја учат додека растат. Децата кога се раѓаат, знаат само за љубов. Тоа можат да го изразат многу убав, во секој поглед, во секој израз, во секое дело. Возрасните ги учат децата за многу работи, меѓу кои, и да мразат“, пишува Беса Арифи во колумната „На почетокот беше зборот…“
А. П.