Состанокот на министрите за внатрешни работи на земјите учесници во Берлинскиот процес
Денеска во Скопје се одржа состанок на министри за внатрешни работи во рамки на заедничкото претседавање со Берлинскиот процес на Република Северна Македонија и на Република Бугарија.
На состанокот воведно обраќање имаше министерот за надоврешни работи, Бујар Османи, посочувајќи и на целите на Берлинскиот процес подвлекувајќи ги регионалната соработка, инфраструктурното поврзување и создавањето на заедничкиот пазар како фундаменти на економскиот раст и подготовка на регионот за пристап кон заедничкиот европски пазар.
Министерот за внатрешни работи, Оливер Спасовски, во своето обраќање ја поздрави и поддржа иницијативата за Регионален договор за слобода на движење и престој со лична карта, како еден од важните приоритети на годинешното заедничко Претседателство со Берлинскиот процес и упати благодарност до Советот за регионална соработка, како важен партнер во операционализацијата на оваа иницијатива.
ЦИВИЛНИ АКТИВНОСТИ
ЦИВИЛ денеска одржа инфо-штанд посветен на промоција на европските вредности и интеграции, во општините Старо Нагоричане, Ранковце и Крива Паланка.
„Европа е наш дом“ е проект посветен на мониторинг, застапување и јакнење на јавната свест во повеќе области, но пред сѐ главната цел е да се придонесе кон процесот на интеграција на Република Северна Македонија во Европската Унија.
Зелен ЦИВИЛ го објави и третиот дел од „Зелено досие на Велес“ – приказна за град во кој животот ви е опасност, до град кој посакува зелена иднина, што го подготви Анотанела Димитриевска од Велес.
Како дел од проектот „Зелените доаѓаат“ се објави интервју со градочалникот на Општина Радовиш, Герасим Конзулов кој смета дека прашањата поврзани животната средина секогаш треба да се разгледуваат во контекст на човековите права и слободи и дека сите губат кога во едно општество растат етничките тензии.
За европските вредности, ЕУ интеграциите и моменталната политичка состојба ов земјата зборуваа градоначалниците на општините Ѓорче Петров и Берово. Градоначалникот на Берово, Звонко Пекевски, во контекст на овие теми изјави дека клучна е медиумската писменост и правилната информираност за функционирање на демократијата. Градоначалникот на Општина Ѓорче Петров, Александар Наумоски, истакна дека секој треба да придонесува за да ја има Европа поблиску до себе.
ФЛЕШ ВЕСТИ
Текстилијада: Работнички права во време на корона
Армијата на Република Северна Македонија како 30 земја членка на НАТО првпат директно учествува во мисијата КФОР. Утре во првата ротација 44 припадници на Армијата ќе се упатат во мисијата на НАТО во Косово, составена од штабни офицери и вод за обезбедување, кои ќе бидат распоредени во главната команда на мисијата и командата „Запад“.
Народната банка со кривична пријава против поранешни одговорни лица во Еуростандард банка
СЛОБОДНА ЗОНА
„Јас разбирам дека во секое општество има еден мал процент умоболници кои, после трагичната погибија на младиот лекар и активист на СДСМ на скопска „Рузвелтова“, напишаа грозоморни „идеолошки“ пораки, отворено радувајќи се на неговата смрт. Велам, разбирам, бидејќи политички и ментални ѓубриња секогаш и секаде имало и ќе има, тоа и во попристојни демократии, со поинакво ниво на политичка култура, е просто прашање на статистика“, вели Сашо Орданоски во „Само мртов комуњара е добар комуњара“?!
Како да се води едно Собрание во услови на пандемија, прочитајте во „Собрнаие на 21 век“ , на професорката Мирјана Најчевска.
Б. Јордановска