Европа е „доволно богата“ за да купи оружје и муниција за Украина, изјави полскиот премиер Доналд Туск на заедничката прес-конференција во Варшава со неговиот грчки колега Киријакос Мицотакис, јави дописникот на Укринформ.
Според Туск, Европа сега бара муниција за Украина. И во ова прашање, главниот проблем не се парите, туку од каде да се купи оружје.
„Европа е доволно богата за да и помогне на Украина и да и испорачува оружје и муниција. Проблемот е што нашата одбранбена индустрија не е прилагодена на ваквата состојба“, изјави Туск.
Дополнително, тој додаде дека нема алтернатива за начинот на размислување дека ЕУ мора да стане значајна политичка и воена сила за да се чувствува безбедно на европскиот континент.
„Ќе ги искористиме нашите капацитети и влијание за да ги мобилизираме нашите партнери во Европа и во Брисел за зајакнување на одбранбените капацитети во Европа“, рече Туск.
М. П.
