Евроинтегративниот процес на земјата, меѓуетничките односи со посебен акцент на политичките случувања во албанските партии, изјавата на амбасадорката Агелер за формирање влада, војната во Украина и дали има руско влијание во Северна Македонија се темите на коишто ЦИВИЛ Медиа направи интервју со универзитетскиот професор Мурат Али.
Тој вели дека 33 години оваа земја не докажала дека може нешто да постигне со свои сили, затоа реформите, владеењето на правото и економскиот развој тешко се постигнуваат без јасен евроинтегративен пат., Муслиу дури посочува дека, и она малку што сме го постигнале во овој период е направено со туторство на меѓународниот фактор.
Професорот по политички науки Алиу вели дека новата Влада не треба да дозволи оваа земја да се „гетоизира“ како последица на недостаток на европска перспектива.
“Овој дискурс „ќе се фокусираме на реформите“ е бегство од реалноста, тоа е недостаток на храброст да се соочиме со проблемите, и е дискурс кој служи за внатрешна употреба за психолошка утеха на гласачкото тело. Значи тоа е првенствено популистички јазик. На премиерот Мицкоски му е многу јасно, и на сите им е јасно дека нема да може да се избегнуваат овие прашања.
Стартот на оваа промена на власт, вклучително и претседателката, беше да се прикаже поагресивено и поемотивно, а знаете дека претседателката ја положи заклетвата во Собранието со игнорирање на уставното име, но сега ако видите, има ретерирање на владејачката гарнитура и тоа се докажа кога премиерот Мицкоски ја прочита заклетвата со уставното име.
Тоа докажува дека ќе бидат рационални во оваа насока и верувам дека нема да дозволат да бидеме гетоизирани, исклучени или изолирани од регионалните и глобалните процеси и нема да влеземе во филмот на таа 10-годишна власт на Никола Груевски дека ќе јадеме корења, но името не го даваме.
Во ова ретерирање, ако може да се нарече, улога имаа и реакциите на Грција, пред сè, и меѓународниот фактор, бидејќи многу јасно ставија до знаење дека европскиот пат, но не само европскиот пат, ќе биде блокиран ако не покажете институционална одговорност и лидерство да ги почитувате меѓународните договори кои се ратификувани и обврзувачки за секоја Влада што ќе дојде во иднина. Во спротивно, ако се сигурни во себе, можат слободно да преземат иницијатива за укинување на Договорот од Преспа, а тоа би било политички покоректно“, рече Алиу.
Назми Абдурахмани
Камера, монтажа и фотографија: Ариан Мехмети