По трагичната несреќа во Кочани, во која загинаа над 59 наши сограѓани, преку социјалните мрежи веќе е закажан протест за денес во 13 часот во Градскиот парк во Кочани.
Овој протест е израз на длабока болка и револт за загубените животи, но и за состојбата во која се наоѓаме како општество.
Не можеме да ги вратиме нашите мили сограѓани, но сме должни да се бориме во нивна чест и за нив да го смениме овој неефикасен систем кој не обезбедува сигурност, благосостојба и праведнос, се вели во објавата.
Граѓаните бараат конкретни промени. Ќе се борат за град без партиски вработувања, за институции кои функционираат, за полиција која е тука за нас, за инспекциски служби кои ќе ги вршат своите обврски, за јавни простори кои ќе бидат безбедни и чисти. Протестот е за правдата, за секој од нас, за секоја жртва која што ја изгубивме и за сите нас кои го живееме овој град секој ден.
