Поголема група демонстранти се собраа денеска на протест во Приштина во знак на незадоволство поради вчерашните пресуди на скопскиот Кривичен суд за обвинетите во случајот „Дива населба“.
Како што јави РТК, демонстрантите се собраа на плоштадот „Захир Пајазити“ од каде се упатија кон македонската Амбасада, но беа спречени од косовската полиција, која не им дозволи да се доближат до заградата.
Еден дел од демонстрантите го продолжија протестот во близина на македонската Амбасада, при што, според РТК, дошло и до судири меѓу група од нив и припадници на косовската полиција.
Дел од демонстрантите, пак, се упатија кон косовската Влада, пред која ги пречека косовскиот премиер Рамуш Харадинај, кој најави дека „институциите на Косово ќе реагираат на случајот Дива населба“.
– Во земјата треба да постои правда, почнувајќи од целосно расветлување на случајот во сите негови димензии, нагласи Харадинај.
Тој побара за случајот „Дива населба“ да се спроведе меѓународна истрага, што ќе доведе до целосно расветлување на вистината.
Со сличен став излезе и претседателот на Косово, Хашим Тачи.
Според РТК, поради вчерашната пресуда за обвинетите, на консултации кај косовскиот министер за надворешни работи, Беџет Пацоли, биле повикани амабасадорот на Косово во Скопје, Иљбери Хиса, како и амбасадарот на Македонија во Приштина
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
