ЦивилМедиа на својата Фејсбук страница го постави ПРАШАЊЕТО НА ДЕНОТ: Што мислите за мерката сите цени да бидат објавени на веб-страниците на трговските фирми?
Граѓаните со поделени мислења за мерката сите цени да бидат објавени на веб-страниците на трговците
По прашањето поставено на Facebook страницата на CIVIL – „Што мислите за мерката сите цени да бидат објавени на веб-страниците на трговските фирми?“ – граѓаните дадоа различни, понекогаш остро спротивставени мислења.
Некои коментари ја доведуваат во прашање ефективноста на оваа мерка, укажувајќи дека дури и со транспарентни цени, ценовниот раст останува неконтролиран. „И да бидат објавени и да не се објавени, ништо не се менува“, коментира еден граѓанин, наведувајќи ги високите цени од велигденската кошничка: „250 грама путер – 209 денари, домати – 160 денари, краставици – 140 денари, јагнешко – 700 денари“.
Има и критики во однос на достапноста на технологијата. „Многу од возрасните не ќе знаат да се снајдат со технологијата и ќе функционираат како до сега“, стои во еден од коментарите. Некои пак, ја отфрлаат идејата како „глупости“ или „ноторна глупост на пазарното општество“.
Од друга страна, дел од граѓаните ја поддржуваат мерката, потсетувајќи дека вакви практики одамна постојат во други држави. „Израел, Италија го прават тоа и дава резултат“, коментира еден следбеник, додека друг потсетува: „Сегде е така во светот уште пред 20 години“.
Оваа дискусија покажува дека додека некои граѓани ја гледаат транспарентноста на цените како чекор кон фер пазар, други сметаат дека мерката е недоволна или неприменлива за сите граѓани. Сепак, потребата од јавна дебата за секојдневните економски прашања останува очигледна.
За сите коментари повелете оригиналниот пост на Фејсбук пејџот на ЦивилМедиа.
A.M.
