ДРАГАН МИШЕВ
Перјаницата на груевите „к**тон портали“, истакнатиот (про)вмровски и (про)опозициски портал „Република“, познат по жирењето на дезинформации, по налог на неговите газди, повторно манипулира со вистината и спинува, односно безочно лаже.
Во својата објава од 11 август, „обработува“, или поточно, „одработува“ анализа на Фондацијата за демократија на Вестминстер објавенана во рамки на конференцијата „Младински состојби и финансирање на младинските политики во Македонија”.
Република, произволно, и сосема неточно изведува заклучок ( во насловот и во содржината на објавата) од анализата дека „Иселувањето од Македонија, посебно на младите е зголемено со доаѓањето на власт на СДСМ“, иако и самите, подолу во текстот признаваат дека анализата се однесува на периодот помеѓу двата пописа од 2002 до 2021, за кој период се наведува дека за шест проценти се намалил бројот на младите луѓе во Македонија и се проценува дека над 77.000 млади лица кои се родени во државата, заминале во странство последните години.
Анализата опфаќа, ако сакаат математички прецизно да пресметаат (како што милува да каже лидерот на ДПМНЕ), периот од 19 години, во кој поголем дел од времето, 11 години, на власт биле токму нивните налогодавачи.
Секако, (не)намерно, го изоставиле и податокот дека сите општини, вклучително и оние со вмровски градоначалници и мнозинство во советите, ги „губат“ младите сили.
Ова не е прв, а очигледно нема да биде ни последен, п(а)орталот Република да ја дезинформира македонската јавност со спинување и лаги. А зошто и не би, кога за сето тоа нема реакции пред сé од Советот на честа, и секако од останатите вистинољубиви новинарските здруженија,
Останува да видиме, дали овој пат новинарските здруженијата и Советот на честа ќе реагираат во одбрана на вистината, или повторно (како и предходно во слични случаи) ќе одмолчат.
