Русија во обид да ја минимизира поддршката што ја даваат видни Британски личности на воените напори на Кијив во борбата за деокупација на земјата од руските окупаториа со неиспровоцираната целосна воена агресија врз Украина, во понеделникот воведе санкции за 18 британски граѓани, вклучително и голем број врвни функционери, академици и експерти за, како што велат од Москва, обид да се „демонизира Русија и да се поттикне војната во Украина.“
Руското Министерство за надворешни работи издаде „персонални санкции“ како одговор на, како што го нарече „тековниот конфронтационен курс на Лондон“ – додека Обединетото Кралство продолжува да го поддржува Кијив додека се спротивставува на окупационите сили на Владимир Путин.
Како што пренесува Дејли меил, во соопштението, без да се обезбедат никави докази, се вели дека „притискајќи го режимот Зеленски да продолжи со крвопролевањето, Британците мора да сфатат дека, заедно со украинските неонацисти, сносат одговорност за злосторствата врз цивилите“.
Лични санкции беа најавени против британскиот заменик-министер за одбрана Џејмс Картлиџ, заменик-советникот за национална безбедност Сара Мекинтош и директорот за подморници Сајмон Аскит.
Меѓу другите, санкции беа насочени и кон Стјуарт Пич, специјалниот пратеник на британскиот премиер за Западен Балкан, кој неколку пати предходно ја посети Северна Македонија, како и лордовите Ден Ханан и Мајкл Ешкрофт.
Лордот Ешкрофт беше гласен за неговата поддршка за Украина и предупреди минатата недела дека Обединетото Кралство мора да ја зацврсти својата решителност пред агресијата на Владимир Путин.
Скоро две години од инвазијата на Русија…доколку не ја зацврстиме нашата решеност да и помогнеме на Украина, Путин ќе победи и СИТЕ ќе бидеме на многу поопасно место, ијави Лорд Ешфорт.
Санкционираните академици ги вклучуваа историчарите Орландо Фигес, Норман Дејвис, Тимоти Гартон Еш, Роб Џонсон, Дејвид Абулафија и експерти како Рој Алисон од Оксфорд, Грем Робертсон од Универзитетот во Северна Каролина, Калдер Волтон од Харвард и Џејмс Шер од Меѓународниот центар. за одбрана и безбедност во Талин.
Обединетото Кралство е еден од водечките донатори на Украина, заедно со САД и Германија. Велика Британија вети речиси 12 милијарди фунти севкупна поддршка за Украина од февруари 2022 година, од кои 7,1 милијарди фунти се за воена помош. 2,3 милијарди фунти беа обезбедени во финансиските години 2022/23 и 2023/24, а на 12 јануари 2024 година, Владата објави дополнителни 2,5 милијарди фунти финансирање за 2024/25 година, објави House of Commons Library.
ОК обезбедува и смртоносно и несмртоносно оружје, вклучувајќи тенкови, системи за противвоздушна одбрана и ракети со прецизен удар со долг дострел. Додека ОК се обврза да ги обучува украинските пилоти со борбени млазни авиони.
ОК е исто така домаќин на програма за обука (Операција Интерфлекс), која е поддржана од неколку сојузници. Досега се обучени над 30.000 украински персонал, со цел да се обучат дополнителни 10.000 до средината на 2024 година.
Властите во Кремљ, како што објави ЦИВИЛ Медиа, во вторникот покренаа кривична постапка без преседан, со обвинение за кое се тврди дека е политички мотивирано.против естонската премиерка Каја Калас, државниот секретар на Естонија, Таимар Петеркоп и министерот за култура на Литванија Симонас Кајрис за уништување или оштетување на спомениците на советските споменици во спомен на советските војници
Драган Мишев
ПРОЧИТАЈТЕ И:
Русија ja стави естонскaта премиерка на листата на барани лица, во постапка без преседан
