Шефот на ослогласената платеничка група Вагнер, и самиот поранешен осуденик, Евгениј Пригожин ја изгубил почитта од руските затвореници кои сега мислат дека е „предавник“, пренесува Бизнис инсајдер.
Руските затвореници, од кои многумина се бунтуваа во знак на поддршка на краткотрајниот бунт на групата Вагнер, сега се свртеа против водачот на групата, изјави Олга Романова, шеф на групата за правата на затворениците „Русија зад решетки“,
Романова рече дека затворениците се чувствуваат „депресивно“ и „апатично“ и дека Евгениј Пригожин го гледаат како предавник.
Пригожин започна краткотраен бунт против руското раководство минатиот месец, но ги отфрли своите луѓе додека маршираа кон Москва и се согласи да оди во егзил во соседна Белорусија.
Романова рече дека затворениците не сакаат губитници и дека за него сега се користи зборот „волна“, што е сленг за „предавници“ кои соработуваат со властите.
Пригожин, кој и самиот порано бил затворен, некогаш бил исклучително популарен меѓу затворската популација на Русија, додава Романова.
Групата Вагнер регрутираше илјадници затвореници да се борат во Украина, велејќи дека ќе ја добијат својата слобода откако ќе ја завршат службата. На видеото се гледа како Пригожин лично ги посетува затворите за да им се обрати на затворениците.
Иако Вагнер никогаш не го потврди бројот на затвореници што ги регрутирале, американската разузнавачка заедница соопшти дека верува дека групата распоредила 40.000 осудени борци во Украина, објави Ројтерс.
По неуспешниот бунт, Ројтерс откри дека имало најмалку тројца осудени криминалци ослободени да се борат во Украина меѓу платениците на Вагнер кои учествуваа во пучот.
Руското Министерство за одбрана го запре ангажманот за регрутирање на Вагнер на почетокот на оваа година поради ескалацијата на јавната расправија на Пригожин со владиното и военото раководство.
Наместо тоа, Министерството за одбрана почна да регрутира затвореници за своите баталјони „Бура З“. Но, неколку од овие војници се чини дека брзо се разочараа, сpоred видеа кои кружат на кои се гледа како тие одбиваат да се вратат во првите редови поради лошите услови.
Затворениците во затворите во Москва и Ростов се бунтуваа во знак на поддршка на бунтот, а затворските власти го поддржаа тоа. Многумина од овие затвореници беа лути откако Пригожин го прекина бунтот и сними видеа во кои го критикуваше, рече Романова.
Криминалната кариера на Пригожин започнала кога имал 18 години – бил фатен како краде и добил шестмесечна затворска казна.
Откако излегол од затвор, тој се приклучил на банда во 1980 година. Учествувал во грабежи околу Ленинград пред властите да го фатат како дави жена на улица додека неговите соучесници и го украле накитот. Тој беше осуден на дванаесет години во казнена колонија со високо обезбедување и одлежа 10 години од казната.
Се запознава со Путин во 1990-тите. Станува богат олигарх добивајќи профитабилни договори за угостителство со Кремљ, со што го доби називот „готвачот на Путин“.
Неговата трансформација во брутален воен лидер дојде како последица на сепаратистичките движења поддржани од Русија во 2014 година во Донбас во источна Украина.
Пригожин го основаше Вагнер за да биде тајна платеничка група која се бореше и во источна Украина и, сè повеќе, за цели поддржани од Русија ширум светот и со текот на годините тие заслужија особено лоша репутација и беа поврзани со разни прекршувања на човековите права.
Пригожин ги користеше социјалните мрежи за да лобира за она што го сака и често се расправаше со военото раководство на Русија, оценувајќи се себеси како компетентен и безмилосен за разлика од воениот естаблишмент.
Драган Мишев
