12 април 2025
САД и Иран започнуваат индиректни преговори за нуклеарната програма во Мускат, Оман, по писмото на американскиот претседател Доналд Трамп до врховниот лидер ајатолах Али Хамнеи. Дијалогот, предводен од специјалниот пратеник Стив Виткоф и иранскиот министер за надворешни работи Абас Аракчи, е оценет како конструктивен.
Април–мај 2025
Се одржуваат повеќе рунди преговори во Оман и Рим. И покрај почетниот напредок, остануваат нерешени клучни прашања, како нивоата на збогатување на ураниум и поддршката на Иран за регионалните прокси групи.
13 јуни 2025
Израел ја започнува операцијата Исправен лав (Rising Lion), насочена кон иранските нуклеарни објекти, воздушна одбрана и воено раководство. Нападите предизвикуваат значителни оштетувања и загуби, вклучително и воени и научни кадри.
14–20 јуни 2025
Иран возвраќа со ракетни напади врз израелски градови. Двете страни разменуваат ракетен оган, со воени и цивилни жртви. Расте загриженоста дека конфликтот може да прерасне во регионален.
20 јуни 2025
Претседателот Трамп објавува двонеделен „прозорец за дипломатијата“, велејќи дека ќе биде донесена одлука за воена акција врз Иран по овој рок, за да се даде можност за преговори.
21 јуни 2025
Спротивно на предходната најава, претседателот Трамп нареди воздушни напади врз три ирански нуклеарни објекти: Фордо, Натанц и Исфахан. Во акцијата учествуваат Б-2 стелт бомбардери кои користат бункер-бастер бомби фокусирани на длабоко закопаните цели. Трамп ја прогласува операцијата за „многу успешен напад“, нагласувајќи дека сите авиони безбедно ја напуштиле иранската воздушна зона.
22 јуни 2025
Иран ги осуди нападите и најави одмазда, предупредувајќи на ескалација на конфликтот. Меѓународната заедница изрази загриженост поради брзото влошување на ситуацијата.
Трамп: Фордо го нема – од „прозорец за дипломатијата“ до бомбардирање – за 48 часа
