По втор пат за нешто повеќе од една година, Претставничкиот дом во понеделникот испрати предлог за импичмент против Доналд Трамп до Сенатот, ставајќи ја неговата политичка судбина во рацете на 50-те републикански сенатори.
Самото судење нема да започне до 9 февруари и тешко дека ќе резултира со осуда доколку 17 републиканци не им се придружат на демократите во гласањето против Трамп. Неколку републиканци, вклучувајќи го и сенаторот Мич Меконел од Кентаки, лидер на малцинството, сигнализираа дека се отворени за осуда на поранешниот претседател, но нивниот број во моментов е далеку под потребниот праг, објави Њујорк Тајмс.
Од другите вести од врвот на власта во САД се издвојува извршната одлука на претседателот Џо Бајден кој ја укина забраната на неговиот претходник трансродовите војници да служат во армијата. Сега трансродовите војници можат непречено и без дискриминација да бидат американски војници.
Поврзано со турбулентните избори во САД, генералниот инспектор во Одделот за правда најави истрага за тоа дали некој сегашен или поранешен функционер се обидел неправилно да ги искористи овластувањата на одделот за поништување на резултатите од претседателските избори.
