Собранието со 76 гласа „за“, без воздржани и без против, ја донесе Декларацијата за поддршка на пристапниот процес за членство на Република Македонија во НАТО. И опозицијата, односно ВМРО-ДПМНЕ денеска ја поддржа Декларацијата.
Зоран Заев од СДСМ, Христијан Мицкоски од ВМРО-ДПМНЕ, Али Ахмети од ДУИ и Билал Касами од тетовското крило на БЕСА, се четворицата лидери кои денеска седнаа на лидерската средба во потесен состав, откако Мицковски вчера ја напушти лидерската средба и побара помал состав. По два часа разговор, лидерите се на пауза.
Здружението на новинарите на Македонија, ССМ и Совет на етика на медиуми, го осудија вчерашниот инцидент во Клубот на пратеници кога полицијата спречи фоторепортери да го сликаат моментот на пристигнувањето на претставниците на партиите на лидерската средба поради безбедносни причини, а раководителот на владината служба за односи со јавност Марјан Забрчанец, упатил непримерни коментари кон медиумските работници зошто реагирале на ограничувањата. Денеска со заедничка фотографија на фотографите и владините службеници од Клуб на новинари потврдија дека се надминати несогласувањата и е постигнат договор.
Д.М.