Според Гласот на Америка, американскиот Стејт департмент ја поддржува работата на амбасадорот на САД во Македонија Џес Бејли. Појаснувајќи ја американската политика кон Македонија, Тонер изјавил дека насоките за амбасадарот Бејли и неговиот тим се да „работат во партнерство со македонските власти, како и со граѓанското општество за унапредување на американската политика и целите на САД”, додавајќи дека Стејт департментот има полна доверба во амбасадата и во амбасадорот во Македонија.
Одговорот на Тонер доаѓа по медиумските шпекулациите во Македонија дека Амбасадата во Скопје не зборува од името на администрацијата на САД и соопштенијата од ВМРО-ДПМНЕ, според кои, однесувањето на амбасадата на САД не е во согласност со политиката на новата администрација на Доналд Трамп.
В.д. портпаролот на Стејт департмент за Гласот на Америка на македонски јазик, потенцирал дека нема промена во американската политика кон Македонија и дека САД, како пријатели на Македонија, силно ги поттикнуваат сите страни да го почитуваат владеењето на правото, демократските процеси и меѓународните обврски на Македонија.
„Ние сакаме да видиме силна Македонија, на патот кон станување членка на евроатлантското семејство“, изјавил Тонер.
