„Изјавите на некои лидери се исклучително загрижувачки и не можат да бидат оправдани со изборните кампањи. Секоја националистичка и воена реторика мора да биде силно осудена од сите регионални и европски лидери. Во регионот повеќе нема да има ново цртање на границите”, е последната порака која ја испрати Иво Вајгл, известувачот на Европскиот парламент за Македонија.
„Од најголема важност е да се стави крај на изјавите со кои се понижуваат соседите и фокусот да се стави врз структурните реформи кои се неопходни за економиите. Сите земји од Западен Балкан имаат исти политички и економски интереси, вклучувајќи ја понатамошна интеграција, промовирањето на трговските односи и контакти меѓу луѓето со кои ќе се лекуваат последиците на катастрофални војни во 90-тите години”, порача Вајгл.
Европратеникот Вајгл, кој е известувач на Европскиот парламент за Македонија, во име на групата ALDE – Алијансата на либерали и демократи за Европа во ЕП, во писмена изјава до медиумите изрази загриженост во врска со зголемувањето на тензиите меѓу земјите од Западниот Балкан, кои се случија во последниве недели. Тој ги повика лидерите на земјите од Западниот Балкан да ја задржат стабилнoста на регионот и да се фокусираат на процесот на европска интеграција. Вајгл испратил и барање до Комитетот на ЕП за надворешни работи (АФЕТ) да се разгледува ситуацијата во Западниот Балкан, на состанокот на 24 јануари 2017 години.
Не споменувајќи конкретни држави и настани, Вајгл се обрати до сите земји од регионот, со осуда за дискредитирањето на граѓанското општество.
„Ние остро ги осудуваме неодамешните напади против активистите на граѓанското општество и бараме од властите да безбедат владеење на правото и да ги изведат сите сторители на казненени дела пред лицето на правдата”, порача Вајгл.
Според него, основните права и слободата на медиумите мора да бидат заштитени, трендот за зголемување на авторитаризам во политиката мора да биде запрен, а ЕУ и понатаму силно го поддржува организациите на граѓанското општество во регионот, кои играат клучна улога во поддршката на демократските стандарди.
