Општите избори во Велика Британија ќе се одржат на 4 јули, утре. Во продолжение е описот на изборниот процес во ОК, и што би можело да се случи овој пат.
Изборите имаат особено значење бидејќи следат особено турбулентно време во политиката во ОК. Програмата за штедење на премиерот Дејвид Камерон, референдумот за Брегзит во 2016 година, преговорите по Брегзит кои ја соборија Тереза Меј, подемот и падот на Борис Џонсон предизвикани од скандалот Партигејт во кој беше откриено дека Џонсон и други високи личности ги нарушиле правилата на Обединетото Кралствоза време на пандемијата со Ковид, и рекордниот 50-дневен престој на Лиз Трас како премиер се случија во текот на 14-годишниот период кој многумина го карактеризираа како хаотичен.
Дури и за време на изборната кампања, скандалот ја прогонува Конзервативната партија кога се објави дека високи личности биле обвинети дека користеле инсајдерски знаења за датумот на изборите за да обложуваат, се наведува во статија на Гардијан.
Анкетите сугерираат дека гласачите се подготвуваат да ја поддржат централно-левичарската Лабуристичка партија, а во исто време популистите Реформа во ОК, исто така, добиваат импулс.
Оваа бурна мешавина ги позиционираше овие општи избори како едни од најжестоко очекуваните во многу години.
За кого ќе гласаат Британците
Обединето Кралство- а тоа се Англија, Велс, Шкотска и Северна Ирска – е поделена на 650 изборни единици, географска изборна поделба или област.
Гласачите гласаат за личноста што сакаат да ја претставува нивната изборна единица во домовите на Парламентот на Обединетото Кралство. Кандидатите се кандидираат како членови на политичките партии со клучните партии, вклучувајќи ги: Лабуристичката партија, Конзервативната партија, Либерал-демократите, Шкотската национална партија, партијата на Зелените, Реформата во ОК, Шин Фејн и Демократската унионистичка партија, а кандидатите можат да се кандидираат и како независни.
За пратеник се избира кандидатот со најмногу гласови во таа изборна единица.
Партијата со најмногу пратеници тогаш формира влада доколку има мнозинство (најмалку 326 пратенички места). Најновите бројки од Канцеларијата за национална статистика (ONS), јавното тело на ОК за официјални податоци, покажуваат дека има околу 49 милиони луѓе регистрирани за гласање во Обединетото Кралство.
Подготви: Д. Тахири
