Прес-секретарката на Белата куќа, Каролин Ливит, направи паралела помеѓу неодамнешниот смртоносен руски напад врз Кијив и украинските напади врз руските нафтени постројки за време на брифингот во Вашингтон на 28 август, пренесува Кијив Индипендент.
Коментарите на Ливит дојдоа откако московските сили започнаа уште еден масовен напад со беспилотни летала и ракети врз Украина во текот на ноќта на 28 август, насочен кон Кијив. Нападот погоди станбени области, при што загинаа најмалку 23 лица, меѓу кои четири деца, а беа повредени 63 други, меѓу кои 11 деца и и беа погодени седиштата на ЕУ и Британскиот совет
Кога беше прашана за нападот, портпаролката на Белата куќа рече дека претседателот на САД, Доналд Трамп, „не бил среќен поради оваа вест, но ниту бил изненаден“.
Ливит рече дека „можеби двете страни од оваа војна не се подготвени сами да ја завршат“, осврнувајќи се на нападите на Украина врз руската инфраструктура што ги поддржуваат воените напори на Москва.
„Русија го започна овој напад врз Кијив. Исто така, Украина неодамна им нанесе удар на руските рафинерии за нафта. Тие, всушност, уништија 20% од капацитетот на руските рафинерии за нафта во текот на нивните напади во текот на месец август“, рече таа.
„Претседателот сака тоа да заврши, но лидерите на овие две земји треба да заврши и мора да сакаат исто така да заврши.“
Тие ја игнорираат разликата помеѓу легитимните напади на Украина врз руските рафинерии и геноцидот и масакрот на цивили од страна на Русија, што е директно кршење на Виенската конвенција.
Кијив нападна десетици рафинерии, нафтени депоа и воено-индустриски објекти од почетокот на целосната инвазија на Русија во 2022 година за да ги попречи воените напори на Москва. Во меѓувреме, неодамнешните напади на Русија врз главниот град на Украина погодија станбени згради, убивајќи и повредувајќи десетици цивили.
Додека повеќе европски лидери го осудија последниот смртоносен напад на Москва во услови на тековните мировни напори, самиот Трамп не го коментираше нападот.
Претходно, американскиот претседател постојано изјавуваше дека сака да ја заврши војната за да спречи понатамошни смртни случаи „од двете страни“, обвинувајќи ја Украина дека ја дели вината за руската инвазија.
И покрај средбата со Трамп во Алјаска претходно овој месец, рускиот претседател Владимир Путин не покажа знаци дека ќе го ублажи нападот врз Украина. Тој се врати од самитот без да се соочи со нови санкции.
Германскиот канцелар Фридрих Мерц на 28 август посочи дека предложената билатерална средба меѓу претседателот Володимир Зеленски и Путин нема да се одржи.
Ова е „различно од она што беше договорено меѓу претседателот Трамп и претседателот Путин минатата недела кога бевме заедно во Вашингтон“, рече Мерц по нападот.
Д. Мишев
