Во интервју за ЦивилМедиа, претседателкатата на Либерално Демократската Партија, Моника Зајкова, одговарајќи на поставните прашањата ги изнесе своите ставови и размислувања за тековните случувања на домашната и меѓународната политичка сцена, внатрепартиските состојби, евроинтегративните процеси, изборите во САД, состојбата во Украина.
ЦМ: Како ги коментирате внатрепартиските состојби со кои се бара вонреден конгрес и смена на раководството на ЛДП? Се вели дека се пазарите со власта. За што се работи?
Зајкова: Ставот на Централниот одбор на ЛДП беше јасно искажан, на 31 мај со кој што едногласно се донесе, односно со еден воздржан глас, одлука со која се одлучи партијата да настапува независно во парламентот, тоа независно значи дека треба да ги кажува јасно своите ставови по однос на сите законски решенија, и дека ќе поддржи се она што сметаме дека е добро за граѓаните, добро за државата, но и кое што идеолошко програмски соодветсвува со либералната демократија.
Како што истакна Зајкова, ова не е некоја новина бидејќи и додека ЛДП беше во владина коалиција, можеше да се забележи по гласањата во парламентот дека партијата настапуваше согласно своите вредносни принципи и своите програмски определби.
ЦМ: За кои лица (баратели на смена на раководствот) всушност се работи?
Зајкова: Напоменав дека, тоа може и јавноста да забележи, не се некои лица кои биле препознатливи по своите програмски определби за либерлно демократската партија. Јас сепак на би им давала толку на значење, би им препорачала само повеќе да излегуваат со предлози кои што одат во насока на решенија за граѓаните, но и во насока за развој на либералната демократија во општеството, а нормално дека сите одлуки партијата ги носи на Централниот одбор.
Зајкова нагласува дека, како што партијата донела одлука за коалициски настап на парламентарните избори, како што донела одлука за самостоен настап на последните локални избори, така ќе донесе одлука во рамки на централниот одбор во кој што учествуваат членовите на општинските организации, и по консултации со општинските организации ќе донес одлука и за настап на локалните избори.
Но до тогаш треба да понудиме концепт, решенија и програма на граѓаните, потенцира лидерката на ЛДП.
ЦМ: Може ли да заклучиме дека се работи за лукративни цели кај овие лица за ваквата иницијатива?
Зајкова: Мнозинството се луѓе кои што ги губат државните привилегии и функции.
Разговорот го водеше: Драган Мишев
Камера и монтажа: Ариан Мехмети
Целото видео погледнете го тука:
