Владејачкото мнозинство не се откажува од привилегиите, предлогот за намалување на патните трошоци на пратениците не влезе ниту на дневен ред

Владејачкото мнозинство составено од ВМРО – ДПМН, ВЛЕН и ЗНАМ не дозволи намалување на патните трошоци на пратениците, откако денес во Собранието на Северна Македонија не даде поддршка за иницијатива поднесена од Левица да биде ставена на дневен ред на седницата.

За предлог -законот за измени на Законот за пратениците да биде ставен на дневен ред  гласаа само 22 пратеници од Левица и СДСМ и коалицијата.

Предлогот -законот поднесен од Левица предвидуваше патните трошоци на пратениците да се пресметуваат според пазарната цена на 6,5 литри гориво на секои изминати 100 километри, место како досега по 20 проценти од малопродажната цена на горивото по километар. Тоа би значело ако некој пратеник патува дневно 200 километри во два правци ќе земе околу 1.040 денари, наместо 3.200 кои ги зема сега за 200 километри

Анализите покажуваат дека за 14 години се одлеале 6,5 милиони евра за патни трошоци. И покрај бројните иницијативи да се стави крај на можните злоупотреби, ниту една иницијатива не ја добива поддршката на пратениците

М. Д.