Семејствата и сограѓаните на жртвите од трагедијата во пожарот во дискотеката „Пулс“, денеска во одржаа протест насловен „Марш на ангелите“.
Преку транспаренти побараа правда за загинатите членови од семејствата, роднините и пријателите. Протестниот марш започна од Паркот на Револуцијата, а потоа се упатија кон Трговскиот центар, Општина Кочани, Одделението за внатрешни работи, и заврши кај Основниот суд и обвинителството во Кочани.
На 16 март 2025 година во дискотеката „Пулс“ во Кочани се случи пожар од чии последици животот го загубија 60 млади а околу 200 се повредени.
Денешниот протестен марш е еден од низата собири што се одржуваат веќе од 17 март низ целата земја, на кои граѓаните бараат одговорност од соодветните државни институции поради системската неодговорност и корупција, која доведе до згаснување на 60 млади животи и идни генерации.
Д. Т.
