Идејата за заедничка валута за земјите од БРИКС, која ќе биде поддржана со злато „нема никаква смисла“, изјави економскиот стратегот Дејвид Ву.
Групата големи економии во развој бараат начини да се стави крај на доминацијата на доларот како главна светска резервна валута, а некои мислат дека златните резерви би можеле да се искористат за да се поддржи нова валута, пренесува Маркетс инсајдер.
Сепак, тој пристап би значел дека новата валута ја следи цената на златото наместо поединечните валути на БРИКС, според поранешниот шеф на одделот за глобални каматни стапки, девизи и стратегија за фиксен приход на новите пазари и економски истражувања во Банката на Америка, Дејвид Ву.
„Во секој случај, мораме да се запрашаме што точно ќе постигне БРИКС со создавање на она што во суштина би било само уште еден дериват на злато? – изјави Ву во видеото на неговиот канал на Youtube.
Тој истакна дека златните резерви се конечни и колку повеќе злато користи Кина за да ја поддржи новата размена, толку помалку ќе има на рсполагање за да ја поддржува сопствената валута – ренминби.
„Ако мислите дека доколку има повеќе злато за поддршка на валутата, тоа ја прави посилна, тогаш колку повеќе злато издвојува Кина за валутата БРИКС значи дека има помалку злато за поддршка на јуанот, што, ако ја следиме оваа логика, значи послаб јуан“, додаде тој.
„Во крајна линија: БРИКС може да создаде валута поддржана од злато, но неговата цел би била чисто симболична.
Во последниве месеци, Кина и неколку други земји ги засилија напорите да го намалат нивното потпирање на зелената банкнота во меѓународната трговија и инвестициите – особено кога САД ја искористија глобалната надмоќ на доларот за да воведат економски и финансиски санкции врз земјите, вклучувајќи ги Русија и Иран.
Групата БРИКС – Бразил, Русија, Индија, Кина и Јужна Африка – ги забрза напорите за дедоларизација, а бразилскиот претседател Луис Инасио Лула да Силва повика на заедничка трговска нота.
Дури и идејата за валута БРИКС минатиот месец беше означена како „просто смешна“ од Џим О’Нил, економистот кој прв го измисли акронимот БРИКС .
Според Расел Харди, врвен трговец со нафта и извршен директор на Витол, земјите од БРИКС кои го отфрлаат американскиот долар за нафта и прифаќаат локални валути само ќе им наштетат на нивните економии. Американскиот долар е де факто валута за нафтата, а заканата од нејзиниот став ќе создаде проблеми за земјите во развој.
Во една неодамнешна анализа, ЈП Морган ја предвиде иднината на американскиот долар откако се соочи со закани од блокот БРИКС. Институцијата го проучувала ризикот од дедоларизација ширум светот бидејќи другите валути изгледаат како глобална резерва.
И според анализата на ЈП Морган и според мислењето на извршен директор на Витол, Расел Харди, БРИКС најверојатно нема да успее да го симне американскиот долар во скоро време, и тој останува де факто врховна валута, додека кинескиот јуан не е ни блиску до тоа да го загрози.
Поширокото движење за дедоларизација се бори да добие замав. Плаќањата со SWIFT во однос на американскиот долар се зголемија на рекордни 46% во јули, објави Блумберг.
Сепак, преовладува мислењето дека новата заедничка валута на земјите од БРИКС може да биде мртва уште пред да започне поради несогласувањето, додека американскиот долар се уште се користи во 90% од целата трговија.
Желбата на лидерите на БРИКС да ја намалат нивната зависност од американскиот долар не покажува знаци дека во догледно време ќе успее да ја оспори неговата доминација, која несомнено е неспорна. И покрај падот на 20-годишниот минимум на официјалните девизни резерви кон крајот на 2022 година, американскиот долар останува најважен во глобалната трговија, со речиси 90% од глобалните девизни зделки.
Како што се развиваат овие дискусии, сложеноста на имплементацијата на таков систем останува колосален предизвик. Вистинското прашање е дали овие нации, со нивните различни агенди и приоритети, можат навистина да се обединат под знамето на единствената валута.
Драган Мишев
