Овој настан одбележува две години од опстанокот на еден храбар народ, украински народ, рече пратеничката од Демократската унија за интеграција Арта Биљали – Зендели на големата конференција под наслов „Украина – две години хероизам“, организирана од Амбасадата на Украина во соработка со македонската граѓанска организација ЦИВИЛ – Центар за слобода.
Таа меѓу другото кажа дека ние можеме и да разбереме и да замислиме како е да се живе под страв , под закана за војна.
Ние можеме да разбираме и да размислиме колку само вреди една солза на еден родител, на едно дете, за нивните изгубени семејства и за невните изгубени домови кој што носат многу мемории за нив. „За две години се случи инвазија, која што освен инвазија подразбира и кршење на меѓународното право и демократските вредности на современиот свет.
Овој настан пред две години и покажа на либералниот свет дека мирот и универзалните човекови права и слободи треба да се сочуваат, треба да се негуваат и сите ние треба да придонесеме кон нив, рече Зендели. Таа по натаму во својот говор истакна дека едната страна на таа меѓунарадона заедница одлучи да ги крши тие правила. Одлучи самоволно да делува, и одлучи да војува против еден суверен народ на својата суверена територија.
„Ова под сериозно прашање го стави концептот на современиот мултилателаризам и сето тоа што сите ние мислевме дека е минато во европско тло, војната. Меѓутоа има еден светол момент, светла точка на сите овие трагични моменти што се случуваа во изминативе две години, а тоа е куражот на украинскиот народ, храброста на украинскиот народ да се борат за нивната слобода но и за нашата слобода“.