ВЕСТ НА ДЕНОТ: Нема нова вонредна состојба, Пендаровски ги повика Заев и Мицкоски на средба
Претседателот Стево Пендаровски не ја продолжи вонредната состојба, затоа што биле обезбедени доволно количини на медицинска заштитна опрема за сите граѓани и биле донесени економски мерки за поддршка за националната економија.
Пендаровски истакна дека изборите се неопходни за да добиеме функционален наместо распуштен Парламент и легална и легитимна наместо техничка влада.
ИЗЈАВА НА ДЕНОТ: Ивановска: ДКСК ќе ангажира 20 набљудувачи што ќе помогнат во мониторингот на избората кампања
„Ќе се ангажираат 20 набљудувачи и тоа пет лица во Првата изборна единица, четири во 5 и 6 ИЕ, три во 2 изборна единица и две во 3 и 4 ИЕ“, изјави Ивановска на денешната прес конференција, истакнувајќи дека ангажманот на овие набљудувачи е со меѓународна поддршка.
ФЛЕШ ВЕСТИ:
Во последните 24 часа се направени 1045 тестирања, а регистрирани се 164 нови случаи на КОВИД-19 во: Скопје 85, Куманово 24, Дебар 3, Штип 5, Прилеп 3, Тетово 18, Струга 5, Охрид 9, Гостивар 2, Гевгелија 1, Крива Паланка 1, Кочани 1, Македонски Брод 1, Валандово 1, Свети Николе 2, Ресен 2 и Неготино 1, двајца починати и 12 оздравени пациенти.
Во изминатото деноноќие 1.022 лица не носеле маски, за 231 решенија за изолација, а за 161 во самоизолација.
Мора да имаме функционално Собрание и Влада која ќе може да носи одлуки, бидејќи оваа состојба со коронавирусот ќе потрае, рече лидерот на СДСМ, Зоран Заев.
ДИК денеска на работен состанок ја разгледува владината Уредба за продолжување на изборните дејствија за параламентарните избори и врз основа на неа ќе ги започне активностите за гласање.
Министерството за здравство дозволите за употреба на средства за дезинфекција ги дава по брза постапка во рок од два дена, со обврска на производителот кога ќе заврши вонредната состојба да ја заврши постапката за регистрирање на производот, информираше денеска Горан Трпеновски од ДКСК.
ДКСК: ИВЗ пет години не доставила извештај за работењето до Централен регистар
Здружението на новинарите на Македонија денеска одржа вебинар на тема: „Нови трендови во локален и регионален контекст во законодавството за клевета и навреда“, на кој свое обраќање имаше и министерката за правда проф. д-р Рената Дескоска.
Околу 140.000 работни места се задржани благодарение на мерката за финансиска поддршка на фирмите заради исплата на платите, оценува министерката за финансии Нина Ангеловска.
ЦИВИЛ: Избори на 5 јули, државата веќе не може да си дозволи одложување
ЦИВИЛ ги повикува политичките партии да донесат решение за конечно одржување на предвремените парламентарни избори во Република Северна Македонија. По бројните одложувања на нешто што требаше да бидат брзи предвремени парламентарни избори, нашата земја веќе нема ниту еден ден за чекање. На земјата итно ѝ се потребни функционални институции, Парламент и Влада со целосен капацитет.
Претседателот Стево Пендаровски јасно и недвосмислено ги образложи своите одлуки за воведување на вонредната состојба во изминатиот период: Вонредната состојба нема врска со статистиките од ширењето на коронавирусот, туку со потребата да се овозможи носење одлуки во општествено-економските и здравствените сфери.
Одложувањето на изборите од 21 јуни на 5 јули веќе е неприфатливо големо поместување на датумот за избори. Нашата држава веќе не може да си дозволи техничка влада што е составена за да организира парламентарни избори, а не да се бори со тешка закана за здравјето и животот на луѓето. Оваа држава веќе не може да си дозволи ни целосно отсуство на Парламент.
Ако нема Парламент, нема ни демократија.
ДИК со првични подготовки за спроведување на предвремените парламентарни избори
На барање на Владата, Државната изборна комисија го разгледуваше спорот меѓу министерката за финансии и дополнителната министерка за финансии – дали потпишување на заем со Светска банка е прашање на организација на изборите, или за справување со пандемијата со Ковид-19.
пишува: САШО ОРДАНОСКИ
Откако Зоран Заев синоќа му соопшти на ДУИ дека е време да оди во опозиција, за очекување е дека ДУИ до недела ќе го промени ставот дека се за избори на 5 јули. Ако заради ништо друго, тогаш за да го понижат Заев со тоа што ќе му покажат дека, дури и за договор за самиот датум за избори, тие се јазичето на вагата кое одлучува во кавгите помеѓу власта и опозицијата. А и за на сите да им докажат дека се сериозни со инсистирањето идниот премиер да биде Албанец – како одговор на претрпениот шок од предизборната коалиција на СДСМ и БЕСА.
Ангела Петровска
во соработка со: Биљана Јордановска, Дехран Муратов