Пазарџиите на протест
Пазарџиите утрово излегоа на протест пред Собранието на Република Македонија во знак на револт спрема новиот закон, со кој се бара од нив да обезбедат лиценци и им се забранува на пензионерите да продаваат на пазарите, со што им се наложуваат нови обврски и им се зголемуваат давачките.
Имено лиценците за тезги, кои ќе ги издава Стопанската комора на Македонија, чинат 3600 денари, а за втора тезга треба да одвојат 2400 денари.
Согласно новиот закон пензонерите, социјалните случаи, стечајците и хонорарците нема да можат да работат на пазарите во земјата.
Со носење на Законот за употреба на јазиците се става крај на национализмот
Владата на Република Македонија во врска со ширењето лажни вести и невистини за примената на Законот за употреба на јазиците во Република Македонија ги соопштува следните факти:
„Законот за употреба на јазиците во Република Македонија, беше донесен соодветно на предвидените процедури во Собранието на Република Македонија. Опозицијата ги имаше сите можности амандмански да учествува во усовршувањето на законот. Опозицијата сама донесе одлука да не учествува во политичкиот процес на донесување на Законот за употреба на јазиците.
ВМРО-ДПМНЕ поднесе кривични за Џафери, Ибраими и Костовски за Законот за јазиците
ВМРО ДПМНЕ поднесе кривични пријави против лицата Талат Џафери, Неџбедин Ибраими и Мартин Костовски, поради основано сомнение дека извршиле кривични дела „Злоупотреба на службената должност и овластување“ по член 353, „Злосторничко здружување“ по чл.394 и „Саботажа“ по чл.315 од КЗ.Законот за двојазичност е штетен и ќе предизвика далекусежни последици по Република Македонија, изјави Игор Јанушев, генерален секретар на ВМРО-ДПМНЕ.
Граѓаните ќе имаат право да пријават корупција
Собранието на Република Македонија со 81 гласа „за“ по скратена постапка го донесе Законот за спречување на корупцијата и судир на интереси (17/1/2019). Со тоа заврши десетмесечното чекање да се помрднат процесите во сферата на борбата против корупцијата од мртва точка.
Министерката за правда, Рената Дескоска изјави дека се работи за квалитетен европски закон во кој се инкорпорирани препораките на Европската комисија и експертската група на Рајхард Прибе.
Во однос на вчерашното донесување на Законот за спречување на корупцијата и судир на интереси министерката за правда, Рената Дескоска, се огласи на својот фејсбук профил каде ги искоментира вчерашните толкувања на медиумите во однос на донесениот Закон за спречување на корупција и судир на интереси.
„Со оглед на тоа што се појавија погрешни толкувања дека наводно граѓаните немало да можат да пријавуваат корупција, сакам да укажам на некои законски одредби од новиот Закон за спречување на корупција и судир на интереси:
1. Во членот 7 изрично е гарантирано правото на секој да пријави корупција.
2. Во членот 23 е гарантирано дека ДКСК покренува постапка по сопствена иницијатива или по добиена претставка.
3. Во делот за финансирање на партиите, секој може да даде иницијатива до ДКСК и ако таа е основана ДКСК по службена должност покренува постапка. Невладините организации, партиите се наведени како покренувачи на постапка чии иницијативи се испраќаат до партиите на одговор.
4. Во изборна кампања, секој има право да пријави корупција. Учесниците во изборите и набљудувачите имаат и право на приговор и ако не се задоволни од одлуката на ДКСК имаат право на тужба до Управен суд!“, напиша Дескоска.
Социјалната реформа во Македонија позитивен пример за социјални иновации од светот
Министерката за труд и социјална политика присуствуваше на настанот за промоција на книгата „Размислувања за социјалните иновации“, посветена на социјалните светски практики. Во книгата се претставени повеќе од 60 примери за добри практики, меѓу кои е вклучена и социјалната реформа која во моментот се реализира во Македонија.
„Наша цел е да изградиме систем на социјална заштита кој обезбедува квалитетен живот за сите и од кој ќе има бенефит целото општество, а не само поединци. Токму ова е суштината на социјалната реформа, со која им помагаме на преку 40.000 граѓани трајно да излезат од сиромаштија, а исто така драстично ја намалуваме и детската сиромаштија. Градиме систем во кој никој нема да биде заборавен, и кој ги опфаќа сите ранливи категории. Нудиме трајни решенија, овозможуваме шанса за секој, но истовремено ги третираме и големите општествени проблеми“, изјави Царовска.
#Перспективи2019
ЦИВИЛ Медиа продолжи со објавување на серија интервјуа и текстови со кои ја рекапитулира политичката и општествената реалност на годината што измина и се обидува, преку разговори со избрани експерти и јавни личности, да ги открие перспективите за 2019 година.
Пред јавноста сега е новиот серијал „Перспективи 2019“ во кој за сега може да ги погледнете ставовите на Розета Трајан, Мирјана Малеска, Мерсиха Смаиловиќ, Мирјана Најчевска, Хусеин Адеми, Марта Гусар, Фатон Алити, Сашко Попоски , Сашо Орданоски, Арианит Џафери , Акиф Кариман и Огнен Јанески.
А. Петровска
