ВЕСТ НА ДЕНОТ
ЦИВИЛ прашува – Лукоил и МНР веќе 17 дена молчат
Американскиот претседател Доналд Трамп сé повеќе ја притиска ЕУ да се откаже од купување руска нафта и гас. Претседателката на Европската комисија, Урсула фон дер Лајен, на маргините на Генералното собрание на Обединетите нации во Њујорк изјави дека Трамп е во право и дека тие работат на тоа Европа да престане да купува нафта од Русија до крајот на годината.
ЦИВИЛ Медиа претходно објави дека Германија и Франција предлагаат ЕУ да ја стави на црната листа приватната руска нафтена компанија Лукоил и нејзината трговска подружница Литаско, која пак е сопственик на Лукоил Македонија ДОО, кој располага со ланец бензински пумпи во Северна Македонија.
Редакцијата на ЦИВИЛ Медиа, сметајќи дека ова прашање е од голема важност за социјално-економскте движења во земјата, на 9 септември преку електронска пошта се обрати до Лукоил Македонија, Министерството за надворешни работи и надворешна трговија (МНР НТ) на Северна Македонија со истото прашање. 17 дена подоцна, до редакцијата сé уште нема пристигнато одговори на поставеното прашање од ниту еден од субјектите до кои се обративме.
ИЗЈАВА НА ДЕНОТ
„Република Северна Македонија треба да има проактивен пристап за продолжување на преговорите со Европската Унија бидејќи тоа е во наш интерес и во интерес на нашите граѓани. Натамошното чекање не ги подобрува нашите позиции и затоа е потребен итен ангажман на ниво на ЕУ за натамошните чекори во процесот и на ниво на координација за исполнување на обврските од Преговарачката рамка, кај нас, дома. Владата и Собранието целосно да се посветат на спроведувањето на реформската агенда, со максимален фокус на забрзување на реформите, за што се препорачува ресорните министри на квартално ниво да известуваат пред Националниот совет за евроинтеграции и Комисијата за европски прашања за динамиката на носење на законите од соодветните ресори, согласно реформската агенда“, изјави Венко Филипче, претседател на СДСМ, претставувајќи ја Предлог-резолуција за дефинирање на заедничките државни и национални позиции за продолжување на процесот на зачленување на Република Северна Македонија во Европската Унија.
РЕГИОН
Претседателот на Србија, Александар Вучиќ, на седницата на Генералното собрание на Обединетите нации (ОН) на 24 септември изјави дека Косово е неразделен дел од Србија и дека се води „лажна кампања“ против Србија и Босна и Херцеговина, ентитетот Република Српска. Во обраќањето Вучиќ рече дека Косово е „главен столб на идентитетот, културата и духовното наследство“ на Србија.
СВЕТ
Саркози доби петгодишна затворска казна по судењето во Либија за корупциски договор со Гадафи
Пресудата и изрекувањето на пресудата следеа по судењето во кое тој и неговите помошници беа обвинети за склучување корупциски договор со режимот на покојниот либиски диктатор Моамер Гадафи за да добијат финансирање за кампањата за претседателските избори во Франција во 2007 година, пишува Гардијан.
ПРАШАЊЕ НА ДЕНОТ: Кој е одговорен за натрупувањето на ѓубрето во Скопје?
ДЕЗИНФОРМАЦИИ
Руските пропагандисти шират дезинформации и лажни слики пред изборите во Молдавија и во обид да ги дискредитираат украинските вооружени сили.
Ова е лажно. Таков LEGO модел не постои. Максим Митјакин не создал таков проект – ниту во соработка со LEGO ниту со United24. Ниту еден украински медиум не објавил за таква иницијатива; само руските канали на Telegram го сториле тоа.
ДУПЛО ЕСПРЕСО
Од Палестина до Кијив: Уште еден долг ден во глобалниот хаос
Подготви: Б. Јордановска
