Руските пропагандисти шират дезинформации и лажни слики пред изборите во Молдавија и во обид да ги дискредитираат украинските вооружени сили.
Како што пренесува Укринформ, на социјалните медиуми, Русите циркулираат слики од наводен LEGO комплет на кој се прикажани војници со знамињата на Украина и Молдавија. Во објавите се тврди дека комплетите наводно биле создадени од Максим Митјакин, дизајнерот на LEGO моделот на кијивскиот „Споменик на татковината“. Според руските пропагандисти, тој сакал да ја „почести“ молдавската армија за наводно борење против Русија во Украина.
Ова е лажно. Таков LEGO модел не постои. Максим Митјакин не создал таков проект – ниту во соработка со LEGO ниту со United24. Ниту еден украински медиум не објавил за таква иницијатива; само руските канали на Telegram го сториле тоа.
Нема такви комплети наведени на официјалната веб-страница на LEGO во Украина.
Исто така, треба да се напомене и дека нема никакви официјални информации за учеството на молдавската армија во непријателствата во Украина, и ова е само уште една лага во морето дезинформации на руската пропаганда.. Украинските вооружени сили независно ја одбиваат агресијата на Русија. Странците служат само во Меѓународната легија во редовите на украинските вооружени сили.
Дополнително, Русите измислија уште една лажна линија во стилот на ЛЕГО наречена „тули за жалење“. На сликите што ги шират пропагандистите, прикажани се фигури на мајка и дете како носат цвеќе на гробот на таткото, кој бил војник. На овој начин, руската дезинформација цинично сугерира дека, поради тешките загуби на фронтот, украинските деца наводно се „подготвуваат“ за смртта на нивните татковци.
И ова е лажно. Таков ЛЕГО сет не постои. Името на брендот е фиктивно и не може да се најде никаде на интернет.
Изворот на лажната копија беше Фејсбук страницата на поранешниот украински премиер и предавник Микола Азаров, кој се крие во Русија.
На овој начин, Русија се обидува да ја поткопа мобилизацијата во Украина и да ги дискредитира украинските вооружени сили.
Во исто време, пред парламентарните избори во Молдавија на 28 септември, Русите ја искористуваат војната во Украина за да ги исплашат молдавските граѓани со идејата да бидат вовлечени во воена акција и да ги поттикнат кон поддршка на проруските политички сили.
Молдавија веќе подолго време е цел на хибридни напади од страна на Москва, кои особено се засилија пред парламентарните избори.
Како што пишуваше претходно ЦИВИЛ Медиа, неколку медиумите го открија тајниот план на Путин за хакирање на парламентарните избори во Молдавија, додека властите во Молдавија приведоа 74 лица обвинети за соработка со руските разузнавачки служби за организирање масовни немири за време на парламентарните избори во земјата на 28 септември,
Д. Мишев
