24 ЧАСА: Паралелно одбележување на Охридски рамковен договор; Џон Кирби го испрати Путин „да оди по ѓаволите од Украина“; Украина контролира 1.000 квадратни километри руска територија

ВЕСТ НА ДЕНОТ

Дваесет и три години Охридски рамковен договор – годинава со две паралелни одбележувања

Со одделни настани на власта и на албанската опозиција денеска во Скопје ќе бидат одбележани 23 години од потпишувањето на Охридскиот рамковен договор со кој беше ставен крај на неколкумесечниот конфликт во земјава во 2001 година.

ИЗЈАВА НА ДЕНОТ

Џон Кирби: Путин треба „да оди по ѓаволите од Украина“ ако е загрижен за Курската област

„Но, не правете грешка во врска со тоа: ова е војната на Путин против Русија. И ако тоа не му се допаѓа, ако тоа му прави малку непријатно, тогаш има лесно решение: тој само може да se извлече по ѓаволите од Украина и да го нарече еден ден“.

РЕГИОН

Отворен тунелот Порто Палермо во Валона; Денеска ќе се објави Извештајот за стабилноста на мостот на Ибар

За прв пат по 32 години се отвора портата на утврдениот тунел на Порто Палермо. Ова е првиот чекор од проектот на Министерството за одбрана за санација на целиот инфраструктурен комплекс во заливот Панорма за воени и цивилни функции, пренесоа албанските медиуми.

Дали мостот на Ибар е доволно стабилен за сообраќај на возила се очекува денеска да се знае преку извештајот што го состави компанијата што ги направи мерењата и испитувањата на мостот.

 СВЕТ

Украина контролира 1.000 квадратни километри руска територија; украинските војници копаат ровови во освоената област- знак дека планираат да останат

Врховниот командант на Украина, Олександр Сирскиј  соопши дека силите на Кијив контролираат 1.000 квадратни километри од руската територија додека го вршат својот најголем прекуграничен упад во две и пол години целосна војна.

СЛОБОДНА ЗОНА

Како лажните пропагандни наративи и дезинформации влијаат на умовите и на политиката низ целиот свет, од Џабир Дерала во  колумната „ Универзална битка за вистината: Како лагите ја обликуваат реалноста ширум светот“

Несомнено, Новак како тенисер е величина, но, се додека ги учи децата дека не треба да се вакцинираат, со насмевка се слика со ракијата „Дража“, посветена на четничкиот генерал и пеејќи „српското знаме се вее од Призрен до Румија“ ги провоцира народите на Косово и Црна Гора, дотогаш, големиот тениски шампион Новак, останува малиот националист Ѓоковиќ, од Драган Мишев во колумната „Случај Новак Ѓоковиќ: Предводник, маскота, или марионета на српскиот национализам?“

Подготви: Д. Мишев