ВЕСТ НА ДЕНОТ
Лидерите на Европската Унија и Западен Балкан, денеска беа примени од албанскиот премиер Еди Рама во просториите на премиерскиот кабинет, за продолжување на Самитот на Берлинскиот процес. Албанскиот премиер Еди Рама на влезот на Самитот ги истакна разликите меѓу земјите членки и земјите кои не се членки на Европската унија. Според него, економските ветувања од Берлинскиот процес не се реализирани.
Премиерот Димитар Ковачевски пред почетокотот на Самиот на лидерите на Берлинскиот процес денеска во Тирана порача дека очекува конструктивни дебати за зголемување на регионалната соработка.
ИЗЈАВА НА ДЕНОТ
„Како Претседавач со ОБСЕ, продолжив да ја повикувам Русија да ја прекине оваа војна, да ги повлече своите трупи од Украина, повторно да се посвети на принципите и вредностите на ОБСЕ. Продолжувањето на оваа војна не само што ги уништува животите, домовите и надежите на луѓето од Украина, туку создава и состојба на нестабилност и неизвесност низ поширокиот регион на ОБСЕ. Украина останува централен приоритет за Претседавањето на Северна Македонија со ОБСЕ“, изјави министерот за надворешни работи Бујар Османи на прес-конференција со украинскиот МНР, Дмитро Кулеба.
ВОЈНА ПРОТИВ УКРАИНА
Поранешната украинска амбасадорка во Северна Македонија, Наталија Задорожњук во објава на Фејсбук искажа задоволство од средба со Џабир Дерала во Украина.
*
Во руско гранатирање во Доњецк повредени 4 цивили, гранатирани 23 населби во Запорижја, тројца цивили повредени во Полтава.
ФЛЕШ ВЕСТИ
БЕЗБЕДНОСТ Министерот за внатрешни работи Оливер Спасовски денеска со свое обраќање учествуваше на настан посветен на Обуката за ангажирање и зајакнување на младите во борбата против радикакализација и насилен екстремизам.
*
ГАЗА Израелските сили продолжија со бомбардирањето на Газа во понеделникот, откако дипломатските напори да се договори прекин на огнот за да им се овозможи на странските сопственици на пасоши да ја напуштат и да се донесе помош во опколената палестинска енклава.
*
ОДБРАНА По повод 17 октомври – Денот на Командата за операции, министерката за одбрана изјави дека Припадниците на Армијата кои со своето учество во мултинационалните сили во НАТО, Латвија, Романија и Бугарија даваат суштински придонес кон колективната безбедност на НАТО, во најголем дел доаѓаат токму од Командата за операции.
АЛ -ПРЕС
Редакциски избор од албански медиуми: Започна Самитот на Берлински процес во Тирана; Инвестициите на ЕУ за Балканот зависат од реформите; Почина Марти Ахтисари
ИНТЕРВЈУ
(ЕКСКЛУЗИВНО ОД КИЈИВ) Османи: Украина останува во фокусот на вниманието
АНАЛИЗИ
„За ширење на руската пропаганда и дезинформации во земјава, на Русија не и се потребни ни РТ, ни Тасс, ниту РИА новости, Спутник, има „плејада“ про-руски настроени медиуми, меѓу кои се чини дека предничи порталот А1он. Безпредметна станува забраната за емитување на овие руски пропагандни канали во македонскиот етер кога А1он го презема ширењето на „путиновата реч“ со истиот, несмален жар.Не е прв пат А1он тенденциозно да споделува непроверени (дез)информации пред македонската интернет публика, без потоа да објави демант, а не пак извинување откако истите ќе бидат разоткриени“, пишува Драган Мишев во „Што му е на Путин мило, на А1он му се сонило“.
ДЕЗИНФОРМАЦИИ
„Дел од македонските медиуми ширеа паника меѓу граѓаните објавувајќи лажни и непотврдени информации за наводно загинати македонски граѓани во израелско-палестинскиот конфликт. Во медиумите ММС.мк, Вести.мк, Булевар.мк, Инфомакс.мк, Читај.мк… беа објавени наслови „Загинале тројца македонски државјани во Газа? Имајќи предвид дека поголемиот дел од граѓаните читаат само наслови, оваа „вест“ ги доведе во заблуда и ги испаничи граѓаните, особено родителите и роднините кои имаа свои блиски во Израел или Газа“, повеќе во извептајот на ЦМТ „Не загинале македонски државјани во израелско-палестинскиот конфликт“
Подготви: Б. Јордановска
