24 ЧАСА: СДСМ не го поддржува предлог буџетот за 2025 година; Зајкова во интервју за ЦивилМедиа вели дека не е многу воодушевена од буџетот; Ердоган му се закани на Израел со прекугранични операции

ВЕСТ НА ДЕНОТ

СДСМ нема да го поддржи предлог буџетот за 2025 година, Филипче најави 200 амандмани за повеќе пари во здравството, образованието, земјоделието, полицијата…

„Предлог Буџетот за 2025 година е пред сè нереален, неразвоен и недомаќински. Скроен за да ги задоволи предизборните активности, Буџетот за 2025 ќе биде генератор на нови долгови и најавува изгубена година за економијата и за граѓаните“ истакна претседателот на СДСМ, Венко Филипче на прес конференција по повод клучните фискални политики што Владата ги предвидува во Буџетот за 2025 година, со цел јавноста да има јасна слика за тоа како овие политики ќе влијаат врз економијата и квалитетот на живот на граѓаните.

ИЗЈАВА НА ДЕНОТ

Жерновски го демантира Муцунски дека бил амбасадор „на диво“ во Романија, најави тужби за клевета

-Откако од медиумите дознав дека, како амбасадор, сум се тепал по официјални приеми во Романија, за што следеше приватна тужба од моја страна, вчера на истиот начин дознав нова вест – дека сум бил амбасадор „на диво“. Не знам на тие медиуми од каде им е и кој им ја кажал оваа „генијална“ теза, но знам дека со некој од нив ќе мора да се видиме на суд. Не дека го сакам тоа, но мора да се воспостави ред, бидејќи клеветењето и нанесувањето штета на нечиј личен углед и интегритет е крајно сериозна работа, колку и објавувачите или пренесувачите на вакви невистини да не ги поседуваат наведените особини, објави Жерновски на својата Фејсбук страница.

РЕГИОН 

Директорот на косовската невладина организација „Глас на Ромите, Ашкалите и Египќаните“, Исак Скендери, во врска со настанот што се случи во понеделникот во Урошевац, каде маж со нож избоде четири лица, меѓу кои две малолетнички, вели дека сите жртви се припадници на малцинската етничка заедница на Роми, Ашкалии и Египќани и апелира да се откријат вистинските мотиви зад ова злосторство

СВЕТ

Турскиот претседател Реџеп Таип Ердоган изјави денеска дека односите на Турција со Израел се прекинати и додаде дека неговата земја е подготвена да започне прекугранични операции доколку се чувствува загрозена.

ИНТЕРВЈУ

Зајкова за ЦивилМедиа: Не сум многу воодушевена од буџетот и жално е што секогаш проектираме буџети кои имаат централизирана фискална политика

Претседателкатата на Либерално Демократската Партија, Моника Зајкова, во интервју за ЦивилМедиа во одговор на прашањата ги изнесе своите ставови и размислувања за тековните случувања на домашната и меѓународната политичка сцена.

АНАЛИЗИ

Ветувачки начин да се мобилизираат повеќе климатски финансии за земјите во развој е да се прошири употребата на „солидарни давачки“: глобални давачки за емисиите на јаглерод диоксид и други економски активности кои ги канализираат приходите во земјите во развој. Придобивките од зголемувањето на таквите мерки би биле далекусежни, пишува во анализата на Project Syndicate „Придобивките од солидарните даноци – фер удел во глобалните напори против климатските промени“.