ВЕСТ НА ДЕНОТ
Владата ќе одвои 250 милиони евра за инфраструктурни и капитални проекти за развој на општините
На денешната прес-конференција министерот за локална самоуправа Златко Перински и премиерот Христијан Мицкоски го најавија почнувањето на јавниот повик за проекти во вредност од 250 милиони евра, а општините можат да аплицираат за инфраструктурни проекти од областа на култура, спорт, животна средина, патна инфраструктура, социјалната политика и образование.
Владата вкупно планира да одвои 250 милиони евра, а со денешниот прв јавен повик се ставаат на располагање 100 милиони евра.
ИЗЈАВА НА ДЕНОТ
Фидан: Решавањето на регионалните проблеми не треба да го очекуваме само од надворешни фактори, треба да се обидеме сами
„Решавањето на регионалните проблеми не треба да го очекуваме само од надворешни фактори и од меѓународната заедница. Ние, како земји од регионот, треба да се обидеме сами да ги решаваме нашите проблеми. Да чекаме некој друг да дојде и да ни ги реши проблемите е полесниот начин, но така тие не се решаваат ниту на начин, ниту со темпото кое очекуваме“, порача турскиот министер за надворешни работи Хакан Фидан, кој се наоѓа во официјална посета на земјава.
СВЕТ
Макрон го назначи Мишел Барние за нов премиер
Францускиот претседател Емануел Макрон денеска го назначи поранешниот еврокомесар Мишел Барние за нов премиер.
РЕГИОН
Косовското МНР апелира до граѓаните да избегнуваат транзит низ Србија
Министерството за надворешни работи и дијаспора на Косово ги повика косовските граѓани и дијаспората да избегнуваат транзит низ територијата на Србија.
Повикот доаѓа по предупредувањата на така наречениот „Организациски совет за блокади“ од Србија, кој објави дека на 6 септември година се планираат блокади на патиштата кои водат до граничните премини, сè до повлекувањето на косовската полиција од областите населени со српско мнозинство во северно Косово.
ГРАЃАНСКА АКЦИЈА
ПРАШАЊЕ НА ДЕНОТ: Дали и колку учениците се безбедни во и надвор од училиштата?
Неретко сме сведоци на инциденти меѓу учениците, како и случаи кога тие се мета на повозрасни лица. ЦивилМедиа денеска го постави ова прашање и ги повика сите заинтересирани да учествуваат со коментар или порака во која ќе споделат мисли, сознанија и искуства на оваа тема.
ГОВОР НА ОМРАЗА
Графити како начин на јавна комуникација: Екстремен говор на омраза по етничка основа
Во контекст на свежо понудениот говор на омраза МРТОВ ШИПТАР ДОБАР ШИПТАР на ѕидовите на кино Маџари, да се потсетиме дека оваа форма за „дијалог“ одамна опстојува како начин да се пренесе порака на непожелност и нетрпеливост по етничка основа.
Подготви: А. Мехмети
