Украина, САД и Европа ја извојуваа својата прва заедничка победа над Русија кога конечно се ослободија од нејзиното влијание врз умовите на земјите од цивилизираниот свет, изјави претседателот на Украина, Володимир Зеленски, за време на обраќањето пред американскиот Конгрес во Вашингтон во средата, јавува дописникот на Укринформ.
„Нашата прва заедничка победа – ја победивме Русија во битката за свеста во светот! истакна шефот на украинската држава.
Тој истакна дека оваа победа им дала на Украинците храброст која го инспирира светот. Тоа им овозможи на Американците да ја обединат глобалната заедница во заштитата на слободата и меѓународното право. Европејците исто така извојуваа победа на овие простори и затоа Европа сега е посилна и понезависна од кога било.
„Руската тиранија ја загуби контролата над нас и никогаш повеќе нема да влијае на нашите умови“, нагласи Зеленски.
Тој исто така изрази уверување дека таква победа треба да извојуваат и земјите од глобалниот југ.
„Русите ќе имаат шанса да бидат слободни само кога ќе го поразат Кремљ во нивните умови“, истакна претседателот на Украина.
Сепак, тој нагласи дека битката продолжува и Кремљ мора да биде поразен на бојното поле.
„Оваа битка не е само за територијата, за овој или друг дел од Европа. Битката не е само за животот, слободата и безбедноста на Украинците или која било друга нација што Русија се обидува да ја освои. Оваа борба ќе дефинира во каков свет нашите деца ќе живеат внуците, а потоа нивните деца и внуци“, нагласи шефот на украинската држава.
Претседателот на Украина Володимир Зеленски во средата допатува во официјална посета на САД.
Подготви: Д. Мишев
