Останува непознато каде се наоѓа бранителот на човековите права Абдурешит Џепаров, кој беше приведен од руските безбедносни сили на привремено окупираниот Крим, пренесува Укринформ.
„Окупаторите упаднаа во куќата на Абдурешит Џепаров. Тој е еден од претставниците на националното движење на Кримскиот Татар, активист за човекови права, државјанин на Украина. Не се знае каде е сега и каква е неговата состојба. Ова е уште еден пример на руска репресија врз домицилното население на Крим, врз целиот наш народ. Имаше илјадници и илјадници такви примери од почетокот на агресијата и во Крим и во нашите други региони окупирани од Русија“, рече претседателот на Украина, Володимир Зеленски, во своето обраќање вечерта на 25 април.
Никој никаде не може да се чувствува безбеден доколку агресорот не биде поразен, додаде претседателот.
Утрото на 25 април, руските безбедносни сили ја пребараа куќата на бранителот на човековите права Абдурешит Џепаров во привремено окупираниот Крим. По извршениот претрес тој е приведен.
Неговата куќа беше претресена и предходно, на 16 март 2022 година. Како резултат на тоа, бранителот на човековите права беше приведен, а „судот“ го осуди на 15 дена административен притвор „за демонстрација на нацистички симболи“.
Подготви: Д. Мишев
