Уништувањето на терористите е гаранција дека Русија никогаш повеќе нема да може да и донесе зло на Украина, изјави украинскиот претседател Володимир Зеленски на својот Телеграм канал и објави избор на фотографии, пренесува Укринформ.
„Заштитата од теророт значи уништување на терористите. И тоа е гаранција дека руската зла држава никогаш повеќе нема да има можност да и донесе зло на Украина“, напиша Зеленски.
Рускиот терор врз украинските градови и критичната инфраструктура не престанува. Како што објави денеска шефот на кабинетот на претседателот Андриј Јермак на Телеграм, шест лица загинаа во руското гранатирање на две населби во регионот Херсон.
„Русите го погодија селото Станислав со MLRS. Како резултат на тоа, две лица загинаа, а едно лице беше повредено. Пет приватни станбени згради беа уништени и оштетени“, објави Јермак на Телеграма.
Исто така, според него, „како резултат на гранатирањето на Широка Балка, загинале тројца возрасни – двајца мажи и една жена – како и едно дете помало од две години. Друго дете, 12-годишно момче, било однесена во болница“.
Претходно, Михаило Подољак советник на шефот на Кабинетот на претседателот на Украина, повика на Русија да и се одземе правото на вето и да биде исфрлена од Советот за безбедност на ОН.
Подготви: Д. Мишев
