„Имав можност да испорачам сличен говор на оваа почитувана публика пред една година и тогаш никогаш немаше да помислам дека денеска ќе стојам овде пред вас повторно. Покрај земјите од ЕУ, САД и членките на НАТО нашиот регион беше силно наклонет да стои покрај Украина и со нејзиниот народ… Украинскиот народ треба да знае дека не е сам“, рече амбасадорот на Република Албанија, Фатос Река на конференцијата „Украина – две години хероизам“, организирана од Амбасадата на Украина во соработка со ЦИВИЛ.
„Поминаа 2 долги години од руската агресија во суверена Украина. Имав прилика да и се обратам сличен говор на оваа чесна публика пред една година, и тогаш никогаш не би помислил дека денес повторно ќе застанам овде пред вас.
Покрај земјите од ЕУ, САД и генерално членките на НАТО, нашиот регион исто така е силно посветен да застане до Украина и нејзиниот народ.
Премиерот на Албанија, г-дин Еди Рама, во многу наврати ја потврди политичката помош и одбранбената соработка на Албанија за поддршка на Украина.
Оваа посветеност се претвори во конкретни дејствија кои вклучуваат, меѓу другото, волја – објавена за време на посетата на г-дин Рама на Украина во јуни 2022 година – да ја води реконструкцијата на населбата наречена „Балканскиот кварт“ во Кијив, заедно со поранешните премиери на Северна Македонија и Црна Гора, односно Димитар Ковачевски и Дритан Абазовиќ.
Неодамна, г-дин Рама ги здружи силите со претседателот на Украина, г-дин Зеленски, во коорганизирање на Самитот „Украина и Југоисточна Европа“, кој ќе се одржи во Тирана на претстојниот 28 февруари и ќе има учество на лидерите од Западен Балкан, како и од други европски земји. Самитот ќе биде важен повод да се потврди солидарноста со Украина и остро да се осуди агресијата, да се обнови поддршката за членството на Украина во Европската унија и НАТО и посветеноста да учествува во повоеното закрепнување и реконструкција на земјата.
Додека политиката и дипломатијата треба да истраат во завршување конфликтот засекогаш, што е можно поскоро, малите секојдневни активности исто така можат да направат разлика. Разговарајте со вашиот пријател, со вашиот сосед, со вашите роднини; помогнете некому да не ги заборави бројките на невини жртви, на повредени, раселени; купувајте од онлајн бизниси во Украина; помогнете во одржување на болница или сиропиталиште; создадете ангажман на темата, на социјалните медиуми. Од витално значење за народот на Украина е да разберат и да почувствуваат дека не се сами, дека стоиме со нив.
Слава на Украина!“.
Б. Ј.
камера: Атанас Петровски
монтажа: Ариан Мехмети
фотографија: Б. Јордановска
