По вчерашната средба во Владата на Република Северна Македонија која заврши без конкретен резултат, помеѓу, од една страна премиерот Христијан Мицкоски и министерот за локална самоуправа Златко Перински, кого предходно скопската градоначалничка го разреши од функцијата директор на Јавното претпријатие „Водовод и канализација“ поради самоволие и несоодветно постапување во постапка за милионски тендер за пречистителната станица во Скопје, и од сругата страна градоначалничката на Скопје, Данела Арсовска, која пак, на функцијата дојде поддржана од ВМРО – ДПМНЕ, денес на прес-конференцијата свикана од градоначалничката Данела Арсовска, таа изјави дека конечно, по три години ВМРО-ДПМНЕ признава дека блокадата е организирана и оркестрирана, токму од оваа политичка партија и нејзините советници на Град Скопје.
Градоначалничката истакна дека на вчерашната средба со премиерот Христијан Мицкоски и министерот за локална самоуправа Златко Перински предложила решенија за проблемите со кои се соочува Град Скопје, но како што рече, средбата наликувала на „политички циркуз за добивање политички поени”.
-Сакам да го цитирам Перински, дека генерален заклучок е немањето комуникација помеѓу советничките групи во рамки на Градот Скопје. Добро е тоа што Мицкоски се обиде да ги поправи грешките на неговите сопартијци, за жал, сето тоа наликуваше на политички циркуз само за добивање на политички поени. Јас не се натпреварувам за политички поени, рече Арсовска.
Според градоначалничката, програмата за „Модерно Скопје“ била поддржана од истите тие советници од ВМРО-ДПМНЕ, а и од Мицскоси, па нивното негласање на програмите може да биде само политичка игра и ништо друго, затоа што истите советници досега не нашле ниту една забелешка, едноставно само не гласале.
Таа неколку пати нагласи дека предложила решенија за проблемите со кои се соочува Град Скопје, но како што рече, средбата наликувала на „политички циркуз за добивање политички поени”.
Министерот Перински, вчера по средбата во Владата со Арсовска, рече дека таа до крајот на оваа недела треба да состави план што ќе биде презентиран пред советниците во рамки на Советот на Град Скопје. Тој, меѓудругото, кажа дека на вчерашниот состанок не слушнале ништо конструктивно од градоначалничката во однос на решавањето на проблемите со Јавното комунално претпријатие и Јавно сообраќајно претпријатие.
М. Д.
