Генералното собрание на ОН со 93 гласа „за“, 65 воздржани и 18 против усвои резолуција поднесена од Украина и спонзорирана од 27-те членки на Европската унија со која се осудува руската воена агресија врз Украина, се дава поддршка на територијалниот интегритет на земјата, и се итно бара повлекување на руските војници.
За резолуцијата гласаа сите европски земји, меѓу кои и и Србија, освен Северна Македонија која гласаше „воздржано“ и Унгарија(членка ан ЕУ) и Белорусија кои гласаа против.
Против оваа резолуција гласаа и САД и Руската Федерација кои беа придружени од земји како Израел, Судан, Буркина Фасо, Бурунди, Централноафриканската Република, Демократска Република Конго, Екваторијална Гвинеја, Еритреја, Нигер, Мали…
Северна Македонија, заедно со Грузија и Израел беше коспонзор на друга резолуција, поднесена од САД, која не доби поддршка од Генералното собрание на ОН во оригиналната форма.
САД вршеа притисок врз Украина да ја повлече нацрт-резолуцијата со која се бара итно повлекување на руските трупи од нејзината територија и наместо тоа, предлагаа своја верзија на документот, во кој не се споменува руската инвазија на Украина, која Украинците го одбиле, по штоГенералното собранто додаде реченици во американскиот предлог со кои јасно се кажува дека Русија извршила инвазија на својот помал сосед со кршење на Повелбата на ООН. Вака изменетата американска резолуција потоа помина на гласањето со 93 гласови „за“ и 8 против, како и 73 воздржани.
И САД како поднесувач, и Северна Македонија како коспонзор, гласаа воздржано.
Денеска се одбележува третата годишнина од целосната воена инвазија на Русија на Украина. За многумина таму, денот започна како и многу други, правејќи сметка за штетите предизвикани од нападите на руски беспилотни летала во текот на ноќта, додека европските лидери и канадскиот премиер Џастин Трудо се во Кијив за да покажат поддршка.
М. Д,
