Русија им претстави на САД список со барања за договор за ставање крај на војната против Украина и ресетирање на односите со Вашингтон, според две лица запознаени со ова прашање, објави Ројтерс, пренесува ЦИВИЛ Медиа.
Не е јасно што точно вклучи Москва на својата листа или дали е подготвена да се вклучи во мировни преговори со Кијив пред нивното прифаќање.
Руските и американските претставници разговараа за условите за време на лични и виртуелни разговори во последните три недели, според лицата запознаени со ова прашање. Тие ги опишаа условите на Кремљ како широки и слични на барањата што претходно им ги претстави на Украина, САД и НАТО.
Претходните услови вклучуваа никакво членство во НАТО за Кијив, договор да не се распоредуваат странски трупи во Украина и меѓународно признавање на тврдењето на претседателот Владимир Путин дека Крим и четирите покраини и припаѓаат на Русија.
Русија, во последниве години, исто така побара од САД и НАТО да се решат како што ги нарече „основните причини“ на војната, вклучително и проширувањето на НАТО кон исток.
Американскиот претседател Доналд Трамп го чека изборот од Путин дали ќе се согласи на 30-дневно примирје што украинскиот претседател Володимир Зеленски во вторникот рече дека ќе го прифати како прв чекор кон мировните преговори.
Посветеноста на Путин за потенцијален договор за прекин на огнот сè уште е неизвесна, а деталите допрва треба да се финализираат. Некои американски функционери, пратеници и експерти стравуваат дека Путин, поранешен офицер на КГБ, ќе го искористи примирјето за да ги интензивира, како што велат, напорите да ги подели САД, Украина и Европа и да ги поткопа сите разговори.
Руската амбасада во Вашингтон и Белата куќа не одговорија веднаш на барањето за коментар.
Д. Мишев
