Иран ги евакуираше трите нападнати нуклеарни објекти извесно време пред бомбардирањето, изјави денеска заменик-директорот на тој медиум, Хасан Абедини, за иранската национална телевизија.
„Резервите на збогатен ураниум претходно беа преместени од нуклеарните центри и таму не останаа никакви суровини кои, во случај на напад, би можеле да предизвикаат зрачење и да бидат штетни за нашите сонародници“, изјави Абедини за Иранската телевизија.
Иранското нуклеарно надзорно тело објави дека нема траги од контаминација околу погодените објекти и дека нема опасност за жителите на околните области.
Нуклеарната централа Фордо не претрпе значителна штета, изјави државен службеник за иранската новинска агенција Фарс, истакнувајќи дека оштетените делови од централата се „на површината“ и можат лесно да се обноват.
МААЕ соопшти дека нема зголемување на нивото на радијација надвор од трите нуклеарни објекти погодени од САД
Меѓународната агенција за атомска енергија (МААЕ) изутринава соопшти дека нема „зголемување на нивото на радијација надвор од објектите“ по американските воздушни напади врз три ирански нуклеарни објекти, јавија светските агенции, повикувајќи се на соопштение на нуклеарното надзорно тело на ОН објавено на платформата Икс.
„МААЕ може да потврди дека досега не е пријавено зголемување на нивото на зрачење надвор од територијата на објектите. Меѓународната агенција за атомска енергија ќе даде дополнителни проценки за ситуацијата во Иран кога ќе има повеќе информации“, се наведува во соопштението на МААЕ.
САД ги бомбардираа иранските нуклеарни објекти Фордо, Натанз и Исфаган, објави претходно американскиот претседател Доналд Трамп, со напомена се дека објектите се „целосно уништени“.
Иранската организација за атомска енергија соопшти дека нема да дозволи прекин на нуклеарниот развој на земјата
Организацијата за атомска енергија на Иран денеска соопшти дека нема да дозволи развојот на „националната индустрија“, имајќи го предвид нуклеарниот развој на земјата, да биде запрен, јавија светските агенции.
Таа потврди дека се извршени напади врз нејзините нуклеарни постројки во Фордоу, Исфахан и Натанц, но нагласи дека нејзината работа нема да биде запрена.
„Организацијата за атомска енергија на Иран ја уверува големата иранска нација дека и покрај злонамерните заговори на нејзините непријатели, со напорите на илјадници нејзини револуционерни и мотивирани научници и експерти, нема да дозволи да се запре развојот на оваа национална индустрија, за која нашите нуклеарни маченици ја пролеаја својата крв“, се вели во соопштението на агенцијата, цитирано од Асошиејтед Прес.
Организацијата наведе дека нападите врз нејзините нуклеарни постројки го прекршуваат меѓународното право, без да го образложи обемот на штетата од американските напади, кои претходно ги објави претседателот Доналд Трамп. Таа соопшти дека на својата агенда ги ставила потребните мерки, вклучително и правни постапки, за заштита на правата на Иран и додаде дека очекува меѓународната заедница да го осуди „беззаконието засновано на законот на џунглата“ и да го поддржи Иран во остварувањето на своите легитимни права.
Прочитајте и…
Трамп: Фордо го нема – од „прозорец за дипломатијата“ до бомбардирање – за 48 часа
