ВЕСТ НА ДЕНОТ
Обвинение против три лица за дивите депонии во „Вардариште“
ОJO Скопје поднесе обвинение против три лица за кривично дело – Загрозување на животната средина и природата со отпад. Согласно обезбедените докази, тие од 2020 година вршеле откуп на старо железо, метални производи, стари акумулатори и други обоени метали на импровизирани пунктови – отпади, без да регистрираат правно лице и без дозвола за управување со отпад, со што создале диви депонии на дел од локацијата во Вардариште каде на 9 јули годинава настана неконтролиран пожар…
ИЗЈАВА НА ДЕНОТ
„Синоќа, воздушниот простор на Полска беше пробиен 19 пати од беспилотни летала произведени во Русија. Нашата проценка е дека тие не скршнале од курсот, туку биле намерно целени.
Полска, ЕУ и НАТО нема да бидат заплашени и ние ќе продолжиме да стоиме покрај храбриот народ на Украина. Време е раководството на Русија да разбере дека обидот за обнова на последната империја на Европа е осуден на пропаст. Секој што тврди дека ова била украинска провокација шири руска пропаганда“, рече Сикорски во видео изјава објавена на социјалните медиуми.
СВЕТ
Руски дронови веќе влегоа во воздушниот простор на неколку НАТО членки – многу други може да бидат во нивниот дострел
Најновиот масовен воздушен напад врз Украина достигна нова пресвртница во континуираната ескалација на руските бомбардирања, откако Полска објави дека ги затворила аеродромите и соборила руски беспилотни летала во својот воздушен…
ЦИВИЛНИ АКТИВНОСТИ
Во тек е повикот на ЦИВИЛ за краткорочни или долгорочни изборни набљудувачи
Во тек е повикот на ЦИВИЛ за краткорочни или долгорочни изборни набљудувачи. Крајниот рок за пријавување е 15 септември, 17 часот.
Лицата ангажирани во изборната администрација, други мониторинг мисии, функционери и активисти на политички партии и кандидати – немаат право на учество на повикот на ЦИВИЛ.
ЛИНК ДО АПЛИКАЦИЈА ЗА КРАТКОРОЧНИ НАБЉУДУВАЧИ
ЛИНК ДО АПЛИКАЦИЈА ЗА ДОЛГОРОЧНИ НАБЉУДУВАЧИ
ПРАШАЊЕ НА ДЕНОТ: Што мислите за изјавата на Мицкоски дека се намалува инфлацијата?
ДЕЗИНФО
Во Западен Балкан ништо ново. Барем што се однесува до ширењето на руските наративи за војната во Украина, овој пат проширено и надградено со упадот на руски дронови на територија на НАТО членка, во случајов Полска.
Но, изгледа некои македонски медиуми се плашат да ги именуваат дроновите кои беа соборени во Полска како руски, иако сите индикации и релевантни изјави на функционери од земјата на која и беше нарушен суверениот воздушен простор од страна на руските дронови, пишува Драган Мишев во анализата „ФОБИЈА ИЛИ НАРАТИВ: Зошто некои македонски медиуми не кажуваат дека соборените дронови во Полска се руски“
СЛОБОДНА ЗОНА
Сецении наназад, граѓаните на Северна Македонија се борат — сè уште се борат — со духовите од минатото, со поделбите и, пред сè, со културата на корупцијата. И покрај сето тоа, земјата живее во надеж за приклучување кон европското семејство. Патот е долг и тежок, често неправеден. Но секогаш е воден од една вистина: местото на земјата е во Европа., пишува Џабир Дерала во колумната „Бруталната реалност на московско-пекиншкиот „мултиполарен“ свет.“
Подготви: Д. Мишев
