ВЕСТ НА ДЕНОТ
Почна официјалната дваесетдневна кампања за локалните избори
Изборната кампања започна на полноќ и ќе трае дваесет дена односно до 17 октомври на полноќ, по што настапува 24-часовен молк пред изборите на 19 октомври. Вториот круг на изборите ќе се одржи две недели подоцна на 2 ноември…
ИЗЈАВА НА ДЕНОТ
Вчерашните избори во Молдавија покажаа дека дури и координиранате дезинформации не можат да го попречат европскиот пат на Молдавија, што беше одобрено минатата година. Пофалба до изборните власти за добро спроведениот процес, но и за народот на Молдавија за нивното смирено, граѓански ориентирано учество, изјави за ЦИВИЛ Медиа лидерката на ЛДП, Моника Зајкова, која беше во состав на собраниската делегација како дел од делегацијата во Парламентарното собрание на Советот на Европа во меѓународната мисија за набљудување на парламентарните избори во Молдавија
РЕГИОН
Дали БРИКС е алтернатива на Србија за ЕУ?
Меѓународната парламентарна конференција „БРИКС – Србија меѓу пријатели“ се одржува денес во Домот на Народното собрание на Србија. Конференцијата е организирана од Социјалистичкото движење и неформалната парламентарна група за соработка и пристапување кон БРИКС, во соработка со Институтот за стратешки социјален дијалог, пишуваат српските медиуми.
СВЕТ
Пораз на Кремљ, проевропската партија на Санду освои мнозинство на парламентарните избори во Молдавија, отворена вратата кон ЕУ
Проевропска Партија за акција и солидарност (ПАС), предводена од претседателката Маја Санду, победи на клучните парламентарни избори во Молдавија, во услови на растечка загриженост за потенцијално руско мешање.
Со преброени 99,91% од гласачките ливчиња, ПАС обезбеди 50,16% од гласовите, што ѝ дава јасна предност и ја потврдува јавната поддршка за напорите на Санду кон европска интеграција…
АЛ-ПРЕС
Во денешниот редкциски избор од албански медиуми читајте: Велиај го оспори разрешувањето пред Уставен суд; Диела се обрати на Конгресот за нанотехнологија; Уште еден ден до одлуката на косовскиот уставен суд за изборот на градоначалници
ПРАШАЊЕ НА ДЕНОТ: Што очекувате од изборната кампања?
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
ПОЛИТИЧКИ ОК КОРАЛ
Орли, кучиња, врапчиња и гласачи: Дуел на политичките ривали на изборната сцена
Лидерот на ДУИ, Али Ахмети, на промотивната конвенција на Националната алијанса за интеграција (НАИ), повтори дека Рамковниот договор останува клучен документ за мирот и стабилноста во земјата и дека мора да се почитува од сите политички страни. Во својот говор, тој жестоко го критикуваше лидерот на ВМРО-ДПМНЕ, Христијан Мицкоски, обвинувајќи го дека преку своите политики и изјави ги потценува правата на Албанците и создава опасни тензии…
ДЕЗИНФО
Манипулација на ВМРО-ДПМНЕ: Стевчо Јакимовски не е кандидат на СДСМ, Заев и Филипче
ВМРО-ДПМНЕ преку соопштенија, партиски послушници и одредени медиуми и Фејсбук страници тврди дека Стевчо Јакимовски бил „кандидат на СДС(М), Зоран Заев и Венко Филипче“ за Општина Карпош. Ова е невистина и манипулација.
СЛОБОДНА ЗОНА
Токму изборите се главната тема во Македонија, а секако главна тема се не поради тоа што се судбински (освен за некои поединци во политиката), туку затоа што на крајот ќе ја покажат нашата колективна самосвест и нашиот однос кон нашите секојдневни потреби, односно комунални прашања. Тоа што повторно некој ќе гласаат по автоматизам „и за магарето“ во вкупниот резултат на проценка на нашата политичка свест нема значење. Всушност оваа колумна има за цел само да ве потсети драги мој сограѓани, а посебно драги мој сопартијци на тоа како пред четири години гласавте по автоматизам. Видливо е дека ви се врши силен притисок повторно да гласате по автоматизам (онака без мозок, без расудување), пишува Оливер Андонов во колумната „Избори, нервоза и сказни.“
Подготви: Д. Мишев
